كيد النساء .. وما ادراك ما كيد النسا

السلام عليكم بنوتات..
بدخل في الموضوع مباشرة
ام زوجي وخواته من اول زواجي وهم في حرب صامته معاي يعني من تحت لتحت .. قدامي كل شي تمام واحبهم ويحبوني
ومن وراي كل مشاكلي مع زوجي بسببهم ( وهالشي تاكدت منه وبالادله بعد اخت زوجي الصغيره طول الوقت ع الوتساب تحريض علي مع انها كانت اقرب وحده لي من خواته وامه وخواته الثانيات بعد) خواته مو متزوجات ومسوين مشاكل للكل ! حتى زوجة اخوهم الثاني صارلها سنتين ما تكلمهم ابدا بسبب التخبيب اللي يسوونه وبعد مو راحمينها لكن الفرق زوجها اكتشف حقيقة خواته وصار ما يسمع لهم

انا للاسف اسلوبي مو نافع ويا زوجي ودي اتعلم اسلوب ثاني
اخت زوجي تقنعه بسهوله وتمشيه على مزاجهاويصدق كلامها حتى لو تقول السما صفرايسمعها ويصدق وانا كلامي ما يمشي عنده

زوجي شمالي غربي وانا شرقية جنوبية هذا تحليل صديقتي بس ماعرف اذا صح ولا لا

بنات امانه ودي اتعلم طريقة ثانيه عشان اخلص من مشاكلهم واكسب زوجي

ارجوكم ساعدوني اكون ذكية في تعاملي معاه لو مثلا كتب او حسابات بكون شاكرة لكم

( لاتقولولي اكسبي اهل زوجج لان سنوات عمري عشتها وياهم وانا اظن انهم يحبوني نفس ما احبهم وبالاخير اكتشفت كل مشاكلي من تحت راسهم) للعلم مازلت اعاملهم معاملة طيبه لكن اتجنب كثرة الاحتكاك وهم مو راضين يخلوني بحالي