كيسين و لفتين و بيتك هيبقي فلة

التنظيف والتنظيم

السلام عليكم و رحمة الله و بركاته

ازيكم يا بنات


بصوا بقي انا لقيت ان فيه بنوتات كتير بتكون كسلانة الصبح من تنضيف البيت و مش عارفة تبدأ منين
و تفضل تدور و تلف حوالين نفسها:confused:

قلت اقولكم طريقتي يمكن تنفع حد فيكم

بصي بقي يا فتوكة منك ليها
انتي اول ما تفتحي عينيكي و تقولي دعاء الاستيقاظ ( الحمد لله الذي احيانا بعد ما اماتنا و اليه النشور )
طبعا بتروحي جرررررررررررررري علي التواليت
تقومي تعملي ايه بقي؟؟
ترشي قاعدة التواليت بهاربيك او المنظف اللي بتستعمليه و شوية علي الارضية ( انا باستعمل جينرال ) و شوية علي لوفة و تدعكي الحوض و بمقشة خشنة تدعكي الارض و بفرشاة التواليت تلمعي التواليت و تشدي السيفون و بالدش شطفي كل الحمام ولو عندك ديتول حطي غطا علي الارضية و بالمساحة شدي المية و هتلاقي الحمام بقي فلة في 10 دقايق و ريحته تهبل:14:

:biggthumpخلاص اتوضيتي بقي و صليتي الضحي

فطرتي و نزلتي ابو العيال و شربتي مج النسكافيه المتين؟

ياللا بقي قومي هاتي شنطتين بلاستيك :happy:

ايوة ما تبصليليش كده هههههههههههههههههههههههههههههههه
امسكيهم في ايدك يا قمر و دلوقتي دور اول لفة في البيت
هتعملي ايه بقي؟؟

هتبتدي من الاوض
تمشي تلمي يا قمر اي حاجة محتاجة تترمي في شنطة من اللي معاكي
و ماتنسيش لو فيه باسكت في الاوضة تفضيه
و اي حاجة مش في مكانها تحطيها في الكيس التاني

و تمشي كده علي كل الاوض
اللفة دي مش هتاخد غير ربع ساعة بالكتير اوي
لما توصلي المطبخ ارمي الكيس بتاع الحاجات اللي عايزة تترمي في الباسكت
و باقي معاكي كيس
ياللا بقي اللفة التانية

و انتي راجعة و الشنطة معاكي رجعي كل حاجة فيها مكانها

و بس كده يا مزة :luvkiss:

البيت بقي رايق مش فاضل غير انك تكنسي و تمسحي و تشوفي هتعملي ايه من غير لف و لا دوران و دوخة

انا كمان باكون حاطة الغسيل في الغسالة قبل ما انام و لما اصحي قبل الفطار بأنشره

يا رب موضوعي يكون عجبكم
اللهم بلغنا رمضااااااااان


96
18K

يلزم عليك تسجيل الدخول أولًا لكتابة تعليق.

تسجيل دخول

جوري30
جوري30
الله يعطيكي العافية
وفكرة الا كياس حلوة والله يبلغنا واياك رمضان ونحن في صحة وعافية
ويجعلنا من صوامة وقوامة وولدينا
أم بصير
أم بصير
ررررررررررررائع ياام مؤمن
مناير Ksa
مناير Ksa
فكره حلوه جزاك الله كل خير
غندوره ~
غندوره ~
الله يجزاك خير ياعسل .. طريقة حلوه وتختصر الوقت كثيير
Toty Mon
Toty Mon
جزاكم الله خير و انا بأعمل كده بالظبط :)) فعلا انجااااااز : ))