كيس الحمل لم يكبر...طمنوني وفرحو قلبي

السلام عليكم ورحمة الله وبركاته
......................
كيف حالكم
اشتقت لعالم حواء جدا وانا من عضواته القديمات وصارت لي ضروف وانقطعت عنه لسنتين والحين رجعت <<<قلت قصة حياتي ههههه
المهم يااخواتي ان بهم مايعلمه الاربي
انا حامل اللهم لك الحمد اخر دوره كانت ب1/5هجري
11/7ميلادي
تقريبا
بهذي الاثناء زوجي كان مسافر مارجع الاعلى 2/24
وحللت يوم تاخرت الدوره طلع لي خطين خط خفيف
ورحت للمستشفى وسويت دم طلع حمل
اللي هو قبل اسبوع وشوي
ومن بكره سويت سونار على البطن قالت لي الدكتوره لك خمس اسابيع انتظري ثلاث اسابيع وارجعي لي
انا حسيت بمغص خفيف رجعت لها امس سوت لي سونار ثاني يعني الفرق بين السونارين اسبوع
قالت لي نفس الحجم لكيس الحمل من اسبوع ماتغير
ضاق صدري من كلامها
قالت احتمال ينزل اوتسوين تنظيفات
بس انتظري اسبوعين
ونسوي لك سونار ونشوف
سؤال
هل فعلا يكون الجنين متوقف نموه😔
هل ممكن الكيس يكبر بااسبوع ؟
هل ممكن التبويض صار عندي متاخر علشان كذا مايبان مدري محتاره
واعراض الوحم الى الان فيني تخف شوي وترجع اشد
اكل فوليك واسبرين والثيروكس لان فيني خمول بالغده
فرحت بالحمل مره لانه جاء بعد مده وبنفس الوقت ضاق صدري من الدكتوره 😔
اللي مرت بمثل هالتجربه او سمعت عنها تطمني والله يفرج همها وييسر امرها ويشرح صدرها