دناو

دناو @dnao_1

عضوة نشيطة

كيس حمل فارغ .. كيف ينزل بدون عملية تنظيف ؟!

الحمل والإنجاب

السلام عليكم ورحمة الله وبركاته
تأخرت علي الدوره عشر ايام وحللت تحليل منزلي وطلع حمل
وفالاسبوع التاسع نزل علي نقط دم .. ورحت للدكتوره وسوت لي اشعه
وقالت كيس الحمل بدون جنين .. بعطيك تحاميل .. وبسويلك تنظيف
انا رفضت
وطلبت منها حبوب تثبيت .. لعل وعسى يظهر الجنين بعدين
وقالت لي بكتب لك الحبوب عشان خاطرك .. وكتبتلي الحبوب
وقالت تعالي لي اذا زاد الدم
واستخدمت الحبوب ووقفتلي الدم
وبعد يومين رحت لمستوصف ثاني عشان اتأكد اذا الكيس فعلا بدون جنين
والدكتوره سوت سونار وقالت نفس الكلام
كيس حمل بدون جنين اصبري اسبوع ولو مانزل الجنين
روحي للمستشفى يسوون لك تنظيف
وتركت الحبوب .. بس الدم خفيف جدا وماينزل الا على فترات متباعده
انا مجربه التنظيف من قبل .. وتعذبت معاه وكارهه عملية التنظيف
وودي ينزل الكيس من نفسه بدون اللجوء لعملية التنظيف
وبحثت في النت عن اشياء تنزل الكيس
قريت عن عشبة المدينه .. استخدمتها وماسوت شي
وقريت عن العنزروت واستخدمته وماسوى شي
والحين لي اسبوعين والدم نادر ينزل مني .. يادوب فاليوم مره وحده
وعلى خفيف
سؤالي
للي جربت كيس الحمل بدون جنين وماسوت عملية التنظيف
كيف انزله .. نفسيتي تعبانه .. ابيه ينزل بدون عملية تنظيف
قرأت عن حبوب مثرجين انها تسوي انقباضات للرحم وتنظفه
واستعملتها وماشفت منها نتيجه
شربت اعشاب كثيره ومافادت .. دارسين .. رشاد .. عشبة المدينه .. عنزروت
سويت خلطة اعشاب .. ولا نزل
اللي مرت بتجربة الحمل بكيس بدون جنين تذكر تجربتها وشلون نزل منها الكيس
قريت ان الرحم يطرده ومايحتاج لعملية التنظيف
لكن اشوف المسأله طالت ومافيه اي بوادر .. لنزوله
الدم خفيف وماينزل الا بين فتره وفتره .. ولا فيه آلام ابد
ابي اعرف
كم الفتره اللي ممكن يظل فيها الكيس في الرحم وينزل من نفسه
وهل بقاءه لمده طويله يسبب ضرر .. لا سمح الله
حالتي مايعلم فيها الا الله
ابي اخلص من هالكيس .. بس بدون عملية تنظيف
لاني مريت بهالتجربه وتعبت حيل منها
ارجو الرد من كل وحده صار لها الحمل بكيس بدون جنين
للعلم مر علي الحين اسبوعين من كشفت علي الدكتوره وللحين
الدم خفيف ونادر النزول .. ساعدوني الله يعطيكم العافيه
20
537K

يلزم عليك تسجيل الدخول أولًا لكتابة تعليق.

تسجيل دخول

امم البنات
امم البنات
شوفي توني رجعت لاوراقي واشعتي عشان اتاكد صح
انا بحملي هذا تخيلي بالاسبوع السادس قالو مافي جنين بس عطتني مثبت واستمريت عليه بعد اسبوع رجعت بين بس بدون نبض ورجعت بعد اسبوع مره ثانيه قالو في نبض والجنيين صغير والان انا بالثامن ماشاء الله طبيعي والنمو ماشي نفس شهري وكنت خايفه لانهم قالو اذا مابيين بنسوي تنظيف وللعلم يوم سويت تحليل الحمل كان هرمون الحمل ضعيف
لاتستعجليين بالتنظيف بس ارتاحي واستمري على المثبت
دناو
دناو
مشكوره .. ام البنات على الرد
بس انا رحت فالاسبوع التاسع
والاسبوع التاسع بيكون الجنين والنبض واضح في التصوير
والدكتورتين قالو مابين لاجنين ولا نبض .. كيس الحمل فارغ
وهذا اللي مخليني مصدقه كلامهم
يارب .. صبرني
جواهر انثى
جواهر انثى
مريت نفس تجربتك الله يعوضنا انا حاولت ينزل بالبيت شربت حليب ساخن مع ملعقة عسل اصلي ونزل على نزيف وكنت بلحمام وانتي بكرامه بس ماقدرت اكمل زاد النزيف وبدءت ادوخ طلعت من الحمام ورميت نفسي في الصاله جاء زوجي وداني المستشفى على طول عمليه ﻻن النزيف كثير جلست بعدها عشره ايام اخذ ابر حديد الحمدلله ترى عملية التنظيف ماتوجع وفي نفس اليوم تطلعي .
سرورى
سرورى
انا مريت بمثل تجربتك وبدون نبض الين وصلت 9أسابيع بعدها بدا ينزل معي دم رحت للدكتورة كتبت لي حبوب تنظيف ومضاد حيوي وصرت اشرب في الحلبه مع حبةالبركة والكمون والدارسين والحمدلله نظفت بدون عمليه بس بغيت اموت من النزيف والألم ربي يعوضنا خير
مالقيت اسمم
مالقيت اسمم
وش اعراضك ي قلبي انا بان الكيس في الاسبوع الخامس الجنين والنبض باقي