كيس على الرحم ,,,, ابغى مشورتكم

السلام عليكم ورحمة الله وبركاته
كيف حالكم يا حوائيات عطر الله جميع اوقاتكم بطيب طاعته
ابغى استشيركم في موضوع رزقني الله واياكم من واسع فضله ورحمته
الشهر اللي مضى تاخرت علي الدوره وسويت تحاليل وطبعا طلع سلبي
وبعدتاخرهاا 12يوم رحت للدكتورة وسوت لي تحليل دم طلع سلبي
وكانت تبغى تعطيني حبوب تنزل الدورة بس انا قلت لهاا ان بطني فيهاا انتفاخ ملحوظ وسوت لي سونار طلع كيس
عندا الدكتورة قالت لي استني كمان اسبوع على امل ان التحاليل يطلع حمل لان الكيس بالرحم واحتمال يكون كيس حمل
المهم استنيت اسبوع كمان وسويت تحليل طلع سلبي
الحمد لله تاكدت انه مافي حمل واتصلت على الدكتورة بعد ما استخرت وقالت تعالي انزلك الدورة بالعلاج قلت لهاا سويلي سونار بس هي رفضت وقالت مافي داعي عندهاا صراحه ما رحت لهاا على امل انه يمكن ولو احتمال ضئيل انه لربما حمل
المهم سويت تحليل اخير وطلع سلبي كمان
ودحين جاء موعد الدورة الثانيه وما خرجت كمان وحسيت ان االانتفاخ كبر شوي يعني الكيس كبر الحمد لله على كل حال
ابغى استشارتكم هذا الشهر بالذت الميزانيه ماتسمح لي بدكتور ممتاز
وكمان الدكتورات الثانيات بعيد وزحمه عندهم ومشوارهم ما يسمح مع عمل زوجي
ما عندي الا هذي اللي بالحارة اللي رحت لهاا اول
ناويه اروح لهاا السبت وكنت اتمنى انها تسويلي سونار قبل لا ابدا بعلاج تنزيل الدورة
افتوني عااادي استعمل علاجهاا قبل لا اشوف الكيس بالسونار كيف حجمه او هل في احتماااال انه لربما حمل
لان هذي اول مرة كذا تتاخر الدورة شهرين لان دورتي والحمد لله منتظمة وهل تاخر الدورة ينفخ البطن كذا بدووون الم بالمرة
انا قد جاني كيس على المبيض وينفخ البطن بس بالم

ساعدوني الله يجزاكم خير
ابغى مشورتكم اتوكل على العلاج بلا سونار ام استنى كمان
وجزاكم الله خير