كيس على المبيض

السلام عليكم ابي استشيركم واعرف مين مرت بحاله مثل حالتي لأنه يعلم الله اني بهم مايعلم فيه إلا الله واهملت دراستي بالجامعه واهملت نفسي كثير! اختفت عني الدوره تقريباً شهرين ورحت مستوصف صغير ودي اعرف ليش مانزلت لي وبس الم رحت قالت لي الدكتوره على طول عندك كيس على المبايض وحجمه كبير جداً وبعطيك دواء استخدميه لين تنزل لك الدوره صرفت بريمولوت واستخدمته ورحت مستشفى الالماني شخصوني وتحاليل يتاكدون اذا هو ورم لا سمح الله وطلعت الحمدلله تحاليلي كويسه بعد عذاب ووسوسه وهم مايعلم بحالتي الا الله طلبت مني الدكتوره اعيد الاشعه لإنه مكان الكيس مو ظاهر معاهم وين بالضبط ولا تحددلهم كويس عدتها نفس الشي مكانه ماتحدد وظاهر باليمين واليسار اخذت نفسي وطلعت وغيرت المستشفى طمنتني الدكتوره تحاليلك سليمه بس لازم العمليه عشان كبر حجمه وعشان مكانه مو عارفين وين مكانه بالضبط خليت ابوي يتواصل معاها وشرحت له انه مكانه الله واعلم اذا بالمبيض او خارج المبيض بس انه ظاهر لهم كيس مائي بسيط على المبيض المهم جاء موعد العملية واخذت موافقة التأمين امي رفضت وابوي تراجع قال انتظري لا تستعجلين بالعمليه وبيروح من لحاله وان ماراح وديتك مستشفى الحبيب افضل واساساً قبل العمليه الموضوع كل مره يصير شي يوم جاء موعد عمليتي قالت لي الدكتوره مافي عمليات هالفتره وتضايقت مره وتنكدت كفايه عشت بهم الاسابيع اللي فاتت يوم جت موعدها تأجلت وكل مره يصير شي بعدين قلت خلاص اخذ نفسي وارجع البيت لعل وعسى فعلاً خيره شوي نادتني الدكتوره قالت بنعيد الاشعه وعمليتك عند الدكتوره الفلانيه عادوا الاشعه طلعت الاشعة ان الكيس صار حجمه تقريباً ٤ اقل من المره اللي فاتت قلت لها دام قل مايحتاج عملية بأذن الله يروح من لحاله قالت لا احنا بنسوي العملية عشان مو عارفين مكانه قلت خلاص تم واخذت ورقة التنويم وعلى اساس ارجع اليوم الثاني مارجعت واخذت اغراضي وسافرت لاهلي وصلت عند اهلي قالت امي بوديك المستشفى اللي عندنا اذا اتفقوا كلهم نفس الكلام العملية تسوينها ورحنا عند استشاري بالمنطقه اللي احنا فيها شاف تحاليلي وحالتي قال تحاليلها كويسه وهي لسى شابة وماتزوجت حرام انهم يستعجلون بالعملية لها لانه البنت الشابة اللي مو متزوجه نفكر مية مره قبل نخطي خطوه لانه لو فتحنا وشلنا الكيس يسبب لها تلصقات بالامعاء والحمدلله ماستعجلتوا وهم المفروض يتاكدون من موضع الكيس وين مكانه بعدين يقررون المهم طلب مني اعادة الاشعة وطلع حجم الكيس اقل من قبل صار تقريباً ٣ بس قالي الدكتور مكانه مو واضح بسبب انه في غازات مغطيه عليه وماتوضح مكانه بس صار اقل من الاشعه اللي جبتوها رجعت للدكتور وقالي استخدمي حبوب منع حمل وبأذن الله يروح معاه وانتبهي تروحين اكثر من طبيب كل طبيب راح يعطيك كلام وتشخيصه غير عن الطبيب الاخر ، والحين كملت شهر بنات الدوره مو راضيه تنزل والله اني بهم مايعلم فيه الا الله من هم الدوره والكيس ومن هم الآلام اللي تجيني براس المعدة اللي مرت بمثل حالتي وتعالجت منه تطمني لانه والله افكار تاخذني وتوديني واوسوس دائماً والحمدلله صلاتي محافظه عليها وهالفتره قاعده ارقي نفسي كثير الا انه احس بتعب وضيق مايعلم فيه الا الله لدرجة انعزلت عن العالم الخارجي واهملت دراستي ساعدوني وطمنوني