كيس على المبيض _ وجدار الرحم....

السلام عليكم

بنات انا طلعت من الحكومة ماوراهم الا التعب يطيروا المواعيد تطيييير وفي النهاية الدكتور يطلع ويفتح له عيادة لحالة :09:


المههم رحت لدكتور كردش سمعت انه زين وكذا

من اول مارحت طلب تحليل دم للهرمونات والسكر وتحليل زوجي وزوجي سليم الحمدلله

وانا طلعت سليييييييييييييييمة هرموناتي سليمة في مستشفى الولادة قالوا فيني ضعف بالتبويض ...!!!!

ورحت له وقلت له عن مشاكل النزيف المتكرر وكنت رايحة وانا معاي الدورة 9 ايام انصدم انها ماوقفت قالي بعطيك مضاد للنزف وتعالي بعد 5 ايام اسوي لك تصويير

واخيرا جاوب على السؤال اللي كان محييييرني وكنت لما اسال المستشفى الحكومة بس يجاوبوا لخبطة هرمونات (((((يعني شي مو مقنع ))))


المهم سويت التصوير وانا اشوفه يحدد المقاس فجوة سودة ويشوف مقاسها

بعدين سالني انتي متاخر كانت دورتك قلت له اي اسبوع

قال جدار الرحم سميك ومتمزق وصاير كانك مسقطة ,,!!!!!:icon33: يمةة خفت

وقال في كيس على المبيض اليسار ممكن هو اللي مسبب في الجدار كذا ويكون سبب النزيف قال لازم نتاكد وتسوي تحليل دم


سويت تحليل دم وبعشر دقايق طلعت النتيجة مافي حمل !!


وقال لازم نعالج الكيس وبعدين نعالج جدار الرحم

وممكن تحتاجي عملية تنظيف اذا هي مش مسالة هرمونية

قال راح نبدا نعالج الكيس والدورة الجاية تعالي واعطيك هالعلاج تاخذية بهالجرعة الى ان يوقف الدم واستمري عليه 10 ايام وبعدها وقفية وبتنزل دورتك تجي اسوي لك تصوير نشوف الكيس كيف وضعة وهذا العلاج تاخذية علشان يهد جدار الرحم ويكون وضعة اوكية ,,, الى ذاك الوقت نشوف يمكن ماتحتاجي ان شاء الله تنظيف



المهم الحين انا طول الوقت ووببالي ضعف تبويض واثر السالفة كذا

طبعا الدكتور انصدم يوم عرف اني ماستخدمت غير كلوميد قال هالثلاث سنوات ماخذتي غير كلوووميد ؟؟؟؟؟

وانا قلت ايه

ولا بعد هالكلوميد موب السنة العام الماضي !!!!


شفتوا شلون تلعوزت بالمستشفى الحكومي مواعيد بعيدة ولا تحسي اصلا انك قاعدة تتعالجي ولا كانو بيعطوني ابر منشطة اشوى اني ماخذتها


المهم طولتها عليكم وهي قصيرة في احد صار معها كذا وانحلت المشكلة بسرررعه !!!

وهل في علاج طبيعي لها !!!

ياريت تشاركوني بتجاربكم!!!


والله يرزقكم جميعا ذرية صالحة صحيحة يااارب