كيس ماء كبيييييير على المبيض ,, بطني كاني بالسااابع

السلام عليكم

من سمعت او قد مرت بهالحاله

انا بطني من ولدت وهو كل ماله يكبر شوي شوي الحين عمر بنتي سنه و4 شهور وجبتها بعمليه

فتوقعت انه كرش عقب الولاده خاصه اني عقب عمليه لاربطت بطني ولاسويت تمارين

بس الوضع زااااد عن حده اختي حامل بالسادس بطني اكبر من بطنها وقاااسي

بالسجود احس جبهتي بالمووت توصل الارض مااقدر غير الكتمه اللي تجيني نفسي ضيق

حسيت ان الوضع فيه ان مو السالفه كرش وبس

خذت موعد عند دكتوره باطنيه كشفت علي قالت اشعه مستعججججججله هذي يالكبد يالبنكرياس

ورحت للاشعه سوالي سونار وانهبل الدكتور قال من متى هالانتفاخ انتي حاسه فيه قلت لي فتره خير يادكتور

قال كيس ماي كبيييير مو قادره حتى اقيسه اكثر من 15 او 20 سم حجمه :44:

هو سبب هالانتفاخ

ولازم تسوين مقطعيه عشان نعرف السبب هو من كبره ماندري من وين بس اغلب شي انه طالع من المبيض اليمين ويلزم له جراحه

ولان زوجي ماعنده تامين باي مستشفى رحت للولاد والاطفال بالدمام وللاسف رفضوا يستقبلوني قالت الدكتوره ماعندنا سونار ولانستقبل الا حوامل :icon33:

روحي المركز الصحي وهم يحولونك علينا قلت لها بس انا تعبانه والحين خميس وجمعه مافي مركز الا السبت

بكل برود قالت اللي نطرك هالفتره ينطرك للسبت :mad:

ورجعت البيت وبطني قدامي منفوخه واحس بالام بسيطه بس ضيق نفس متعبني لانه ضاغط عالحجاب الحاجز

ابي اللي سمعت بحاله زي كذا تفيدني هل فعلا مافي حل الا الجراحه

وايش احتمالات الحمل بعد هالكيس لاني ماجبت بنتي الا بعد تعب ومشوار طويل من العلاج والمنشطات

وخايفه فرص الحمل تقل :44: