السلام عليكم ورحمة الله
أهلا حوائيات حبيباتي انتن :39:
موضوعي عبارة عن تنبية للاستعمال الصحيح لصابونة البابايا ..
ولأني انا اسمي مجنونه صابونة البابايا ، لأنها صابونتي الاساسية ومستحيل مستحييل أغيرها ...
دي الصابونه رهيبه .. رهييييبه بسس للي تستعملها كويييس ..
والي تستعملها صح ، فوالله ما حتغيرها أبد زيي انا مابأغيرها من روعتها ..
ماحأطول الكلام وحأشرحلكم كيف أستعملها ..
اولا ، انا في الاستحمام الواحد أقلص حجم صابونة البابايا بشكل ملاحظ !!
انتو تعرفو الليف الي تنباع بعشرة ريال وتكون طويلة وبعدين نقطعها بمقص ولا سكين !!
والله انها اروع الليف ..
لما استحم ، ادعك جسمي بقووووووووة باللليفة الخشنه وأكون قد غرقتها بالصابووون وأدعدك كل جسمي بيه واركز على اكواعي وركبي ووالله انها اتوحدت منه ...
ووحد لون جسمي ومبسووطه عليه ..
بس لسه ماخلصت كلامي ..
اغسل كل جسمي بالليفة بدي الصابونه مااااعدا الرقبة والمنطقة الحساسة والوجه والأباط.
طيب وتعرفو كيف تستعملو الصابونه بهذي المناطق الي تحتها خط ؟؟؟؟
بالصابوونه مبااشرة ..
يعني بنفس الصابونه تدعكي فيها المناطق المحدده كثييير .. لحتى تكون طبقآآ بيضآآ !!
صدقووني قسم بالله بس استنو اسبوعين وحتنفجعو من النتائج وحتى تعالولي ع الخاص لو مانفع معاكم !!
بس في شئ مهم ..
انو بعد ماتستحمي تنشفي جسمك وتحطي كريم مرطب وحتشوفي كيف يلمع لأنه على جلد نظيف!!
وبكذآ ما حيخشن بشرتك ولا حينشفها ولا شئ .!!
وانا اهو قدامكم اخلص صابونه البابايا الواحده في اسبوع واحد بس!!
وصابونتي من النوع الي أبو حبيبات سودآ
وجسمي مضرب الأمثال في النعومه ....
وبالنسبة لكريمات الترطيب فأنصحكم بجرنجر بالشيا مره مره جامد ورهيييب
ما أبغا أعمل اعلان لطريقتي ..
انتو بس بس جربوها اسبوعين وتعالو ع الموضوع ذآ واكتبو النتايج او ع الخاص الي يريحكم ...
وهذي صورة الصابونة الي استعملها وهي أفضل نوع :
والسلاااام عليكم