بسم الله الرحمن الرحيم
اليوم ان شاء الله بحطلكم طريقة عمل كيكة الزبادي هشه وتشهي
المقادير :
2 علبة زبادي الصغير ابو ريال .
نص كوب او زياده شوي زيت .
2 حبه بيض .
فانيليا أو بشر برتقال او ليمون .. ( انا ماكان عندي فانيليا فاستخدمت بشر برتقال ) .
كوب سكر بودره منخول .
كوب ونص دقيق منخول .
1 ملعقه كبيرة بيكنج باودر.
صوص البرتقال :
كاس برتقال معصور.
كاس سكر
4 ملاعق مربى مشمش
ملعقة نشا .
طريقة الصوص :
يخلط بالخلاط الكاس ويوضع على النار واول مايغلي احسبي بعد الغليان 5 دقايق بعدين طفيه واستخدميه .
الطريقه :
1/ نشغل الفرن على 150 درجه ونحط شبك الفرن على اخر ردجه قريب من تحت ونخليه يسخن .
2/نضع البيض وفوقه بشر البرتقال ثم الزيت ثم السكر ثم الزبادي في الخلاط الكاس ونخلط .
3/ اثناء ذلك ننخل الدقيق ونضع فوقه البيكنج باودر ونخلطه بمضرب البيض ( يعني نخلط النواشف سوا ) .
4/بعد خلط الدقيق مباشرة نسكب عليه اللي بالخلاط ونقلب بيد ونصب بيد وعلى جهه وحده لحد مايمتزج جيدا وتظهر فقاعات على سطح الخليط وهذا معناته نجاح خليط الكيك .
5/ ندهن صينية الكيك بالزيت والدقيق ونسكب عليه الخليط وندخلها الفرن على طول ولانفتح الا بعد مرور ثلث ساعه اذا نبي نتأكد من استوائها من تحت .
6/ اول ماتحمر من تحت ويبان طبعا من الاطراف تكون محمره شوي على طول نطفي ونشغل من فوق وعلى نفس درجة الحراره مانغيرها ونخليه على مهل يستوي .. وبعد مايحمر من فوق ندخل سكين بوسط الكيك ونشوف اذا الخليط ناشف معناه الكيك ماشاء الله تمام طلعيه واذا لسه ني او سايل على طول طفي من فوق وشغلي من تحت على نفس درجة الحراره وخليه يستوي على مهل لين يستوي تماما ( يعني دخلي سكين وشوفي مره ثانيه ) .
7/ نبردها ونحط عليها الصوص وبالعافيه على قلوبكم .
اتمنى يكون شرحي واضح واذا في اي سؤال انا حاضره :26: .
ماشاء الله لاقوة الا بالله
بهجة الحدايق @bhg_alhdayk
محررة فضية
يلزم عليك تسجيل الدخول أولًا لكتابة تعليق.
بهجة الحدايق
•
نكمل <<<<<
نكمل <<<<<نكمل <<<<<
وبالعافيه على قلوبكم :26: .
الصفحة الأخيرة