كيفة غسل الملابس الداخليه

السلام عليكم .... لكل بنت حواء

أول شي أنا من زمان غايبة عن المنتدى وهاذي أول مرة أكتب من فترة
حبيت أني أعلمكم على شي مهم أعتقد انه البعض من البنات خاصة الي بداية بلوغ يجهلوه
أو حتى يعملوه بطريقة خطأ

وهي عن (طريقة غسل الملابس الداخلية )
ترا الموضوع مرة مهم ويهم كل بنت
كثير مننا تغسل ملابسها الداخلية في الغسالة لكن ما تعرف انه من أول غسلة كل شي يتخرب
يعني عندك السنتيانات الي بحديد تتقطع وتخرج الحديدة برا وممكن انتي تتأذي منها وتتوجعي
وغير كدة لما تحطي الكلوتات في الغسالة وتسيبيها مع الصابون وتروحي
نفس القماش يتشرب الموية والصابون والامر لما تنشفيها وتلبسيها خلاص
كانه ولا شي
بعدها تعالي شوفي الالتهابات الي تحصل بجلدك لأنه هاذي المنطقة جدا جدا جدا حساسة
وبعدها يبدأ الحك والحبوب والجفاف
وانتي مو ناقصة يعني كفاية الي فيها
هههههههههههههههههه
طيب نجي لموضوعنا المهم ..... الطريقة
يكون عندك سطل وسط
حطي فيه موية حارة جدا
وحطي غطا كامل ديتول
وجيبي الكلوتات كلها لحال وحطيهم في السطل
أتركيها لين تبرد الموية مرة
( انتي لما تركتيها هنا كل البكتيريا أنقتلت بالموية الحارة والديتول )
خذي الكلوتات برا
جيبي السطل ثاني وخل جنبك موية باردة يعني عادية مو حارة
وخذي كلوت كلوت وغسليهم بايدك والصابون ادعكيه كويس مرة خاصة في المكان
الي يحتك بالمنطقة الحساسة وبعدين كله
بعدين اشطفيها بموية باردة وخلاص كدة خلصتي منهم ونشفيهم على الهوا العادي
أو اذا عندك نشافة
وخلاص
نجي للسنتيانة نفس طريقة الكلوتات بالموية الحارة والديتول
عشان العرق طبعا وبكتيريا الجلد الطبيعية تموت
وبس تغسليها بالموبة الباردة وخاصة المكان الي يحتك بالابط والصدر والحلمات
وتشطفيها وتنشفيها وخلاص

كدة صرتي متطمنة على نفسك لانك غسلتيها بنفسك وبنظافة

وشكرا بس ابى ردود حلوة

باي