كيفها عيونك حبيبـي لـو تناظـر بإحتقـار....دام أنا بعينك حقيره أعشقك يا أعظم حقيـر

إستشير القلب دامك تشعر إنـك مستشـار
ولاتظن عيوني أبـدا غيـر عينـك تستشيـر
لاتحسـب إنـي أراوغ أو أمانـع أي قـرار
دام حبك بي خيالي خل يصير اللـي يصيـر
والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر
جيت لك موت وتحدي .. لو تبي جيت إنتحار
المهم إبقى عشانك دام حبـك بـي خطيـر
كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظم حقيـر
خلها تطول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر
ودامها صارت تحدي ما أحب لعب الصغـار
وأبتدي أقنع عيوني بس تشوفك هـي كبيـر
وأعلن سيوف التحدي وأرفعك فوق الكبـار
وكل شامخ في طريقك أجبره يبقـى صغيـر
وساحة الشعر بمداها تصبـح لعينـك قطـار
كلها تهون لقصيـدك بـس تهنـى بالمسيـر
دوم أنا أبقى قويه .. بس أحـس بإنكسـار
تدري وش يعني شموخٍ داخله يبقى كسيـر ؟؟
تدري وش يعني عظيمٍ .. تشعره بالإنهيـار ؟؟
تدري وش يعني غرامٍ مابه إنسـانٍ يغيـر ؟؟
تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعيـر ؟؟
كلها تهون لعيونـك وأشعـر إنـي بإنتصـار
وأمسك النـار بيدينـي ولا أفكـر بالمصيـر
دامك الموت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر
التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر
شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر
ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر
تمطر الدنيا غيـومٍ برقهـا يضـوي شـرار
والصحاري كلها لك وردةٍ وسـط الغديـر
والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر
كلهم قالوا غريبه وين عقلك .. كيف طار ؟
قلت أنا للي خذانـي وإبتعـد عنـي كثيـر
يستشير الكـون لكـن مايفيـد المستشـار
هو عقب نظرة عيوني .. به عيـونٍ يستشيـر



اعجتني وبقوووووووووووووووة وانتظر ردودكم ......
منقوووووووووووووووووووووووووول