شفت كثير من الامهات وغالبا جدد :26: يسالون عن طريقة استحمام الاطفال بالشتاء
قلت يا صرقوعه خذي فيهم ثواب ونزلي موضوع :30:
اول شي نقلل من الاستحمام يعني بدال ما يكون كل يوم بيكون يوم بعد يوم
لان اصلا البيبي ما يعرق غير انه خطر عليه تعريضه للبرد وبالذات بيوتنا غير مجهزه بالتدفئه المركزيه زي الاجانب
وممكن التغيير ولبس الصداريه الصغيره يخفف كثير من اللعاب والاوساخ
ثانيا لازم استعداد
يعني
اذا بتحممينه داخل الحمام فيه دفايه للحمام خاصه شفتها عند ناس لكن للحين ربي ما كتب اشتريها مع انها ببالي
هذي صوره وحده من دفايات الحمام لقيتها بالنت لكن موب نفس اللي شفتها
لكن ممكن تسوين بحث بقوقل وتروحين للمحلات وتشترينها وتركبينها
منها يدفى الحمام لك ولبيبي
ومنها ترتاحين من نقل البيبي او نقل الدفايه
عني بصراحه كنت اشيل دفاية الزيت الصغيره واحطها بالحمام طبعا يكون جاف واسكر الباب اليين يدفى ثم احمم عيالي طبعا تكون الغرف دافيه برااا عشان ما يضربهم البرد بعد الدفاء
وممكن بعد تطلعين المروش برا وتحممين البيبي بغرفه مغلقه دافيه وجنب الدفايه
&&&&&&&&&
نجي للاستعداد
يكون عندك دفايه خارجيه
وندفي الغرفه اللي جنب الحمام ونخليها هي المرحله الثانيه يعني ندخل البيبي عليها بعد ما اروشه
ونكون لافينه بالفوطه وممكن مع الفوطه بطانيه صغيره خفيفه
ونكون حاطين جنب الدفايه من قبل
الفازلين عشان يدفى وننشف البيبي وندهنه
ونكون بعد حاطين ملابسه جنب الدفايه تاخذ من الدفا ونلبسها البيبي على طول
مع بجامات داخليه طبعا واذا هاينك بعد يكون افضل ولو تكون الخامه قطن عشان ما يتحسس
وممكن تستخدمين هواء الاستشوار الخفيف وتبعدينه عن الشعر تقريبا 10 سم وبس يجي الشعر شي يجففه من بعيد اذا انت مره خايفه
والله الله بخديداتهم تراها تيبس بالشتاء وممكن مع الجفاف تصب دم يعني موب تشوفين حمار في الخد وتقولين والله ولدي والا بنتي زانت حاله خخخخخخخخخ تراه مدحى بالخلاقين والخد جاف فحطي عليه فازلين داائما
واعتذر لو الصور كانت لاي عضوه هنا لاني اخذتها من قوقل على طول
وان شاء الله تشاركني بالاجر
يالله دعواتكم ياحلوات
على الطريقة الجميلة
ربي يرزقك من واسع فضله..