اهم شي في الموضوع ان كل واحد من الزوجين يحدد موقفه من الثاني !!!

يعني : هل الزوج نادم ....... انتي ما وضحتي هالشي ...... اذا كان نادم على هالعلاقه السابقه ليش ما اعتذر
والله شكله لا نادم ولاشي ... لانه من الواضح انه محتار بين الثنتين !!!

بعدين الزوجه : تهاونت بالموضوع من جهة زوجها وحطت الحرة كلها على البنت .......وشكلها مشت الموضوع
مع زوجها من غير ما تتأكد من نسيانه للبنت ومن غير ما يعاهدها على الاخلاص ومسسسسسسسح الماضي !!

المفروض انها تواجه زوجها بقوة وتكلمه بحزم وتخيره يا انا يا هي ......
ان اختار ام عياله كان بها وتاخذ منه وعد ان حياتهم ترجع زي اول وبنفس الطعم ....... مو بس عايشين مع
بعض من غير نفس .... وتقول انا مو مستعدة كل شوي اشك وتتعب نفسيتي يعني خللك محل ثقه .

وان اختار الثانيه خلاااااااص تتركه والله ما يستاهل اهين نفسي معه بعد كل الدلال والدلع ..... لان حياتها راح
تنقلب ومهما كان ما راح تعيش بنفسية مرتاحه زي اول .

بعدين الموضوع قديم له عشر سنين .......... يعني مو مراهقه متاخرة مثل ما يقولون .......
يعني لااااااااازم تفكر تفكير جااااااااااااد مع نفسها ............ وتجلس مع زوجها جلسة جاااادة مو جلسة دلع
ويحطون النقط على الحروف وينهون الموضوع .

شوفي حبيبتي بالنسبة للزوج انه نادم او لأ انا اتصور انه نادم لانه ترك البنت هذي ورجع لبيته بس عاد انه متذكرها او ناسيها هذي علمها عند رب العالمين وانا بصراحة عقب هالسالفة صعب اسأل عن زوجها لانها قامت تشك بكل الناس اي احد يسأل عن زوجها حسبالها تبي علاقة معاه بس اذا اهي كلمتني بروحها سمعتها عموما اهي تقري كل اللي انكتب وانا ما ودي الا بمصلحتها وعلشان جذي نزلت مشكلتها لانها راح تنجن من هالسالفة مرة تصير من احسن الناس وكل شيء عال العال ومرات اقل كلمة تنقال انها مجنونة
العلاقة اللي بين الزوج والبنت لها عشر سنين وما ادري ممكن الواحد ينسي بالسهولة هذي انا مستغربه من زوجها بالبداية اهو رجع للبنت ماقدر يصبر على فراقها اكثر من اسبوع ورجع لها بس لما صديقتي درت تركها مرة وحدة ولا سأل عن البنت نهائي عاد ما ادري هل هو ناسيها ؟؟؟ ولا خايف عليها ؟؟؟ ما ادري لان صديقتي شرشحتها بهدلتها خلتها ولا شيء ومع ان بالاخير بعد كم شهر عرفت صديقتي بان زوجها هو اللي بادي بالعلاقة هذي وانه اللي كان وري البنت كم سنة لحد ما جاب راسها بس هم ترجع وتلوم البنت وتراقبها
بالنسبة انها تحط النقط على الحروف صديقتي فهمت زوجها اذا عرفت انه رجع للبنت هذي راح تتركه وهو قرر ان بيته وعياله اهم من علاقته في البنت هذي وعلى هالاساس تركها ولا حاول يتصل عليها
حتي انه سفر صديقتي لشهر العسل جديد بس بروحها ولما رجع سافروا مع عيالهم مرة ثانية يعني قاعد يحاول يتقرب من زوجته مرة ثانية بس هي سامحته لو تبين الصج لاكن السالفة الحين هالبنت اللي كل كم يوم مجابله بيتها وترخ عليها هدمتي حياتي انا بصراحة نصحتها وقلت لها كفاية خلاص خلي البنت بحالها لاكن لا حياة لمن تنادي
شنوا الحل ؟؟؟؟؟؟؟؟؟؟؟

اهلين ..

المشكلة مره كبيره .. ماعليها الا أنها تطلب من الله انه يسهل لها حياتها واذا مو راضيه تعيش معه

تستخير وتطلب طلا قها ..

أنا عن نفسي مو قادرة أتصور او اتخيل ... لا تترك الدعاء ..

تحياتي

'طلاق مستحيييييييييييييييييل شنو عقب هالعشرة طلاق ما اظن لان الحب بينهم مازال موجود ومن كثر حبه لها اصلا ما شكت فيه دقيقة لولا الصدفة اللي خلتها تشوف المسج وهي بالاربعين يمكن لحد الحين علاقته مستمرة مع البنت ولا يمكن تحس فيه اقول لك معيشها ملكة وهذا اللي قهرها انها ما قصرت معاه بشي وهو بعد مو مقصر بس للاسف انه تعرف على غيرها هذا بس مخليها مجنونة

شوفي اختي .....
ان كان صاحبة المشكله هي اللي طلبت منك تكتبين مشكلتها وتبي الحل
فلازم تساعد نفسها قبل لنساعدها.....
اذا كان زوجها رجع لها وندمان وسامحته خلاص ليش تتعب نفسها ............ اكيد الثقه ما راح تكون زي اول
بس تقدر تراقب الزوج من بعيد لبعيد لحد ما تتاكد من صدقه .
وبالنسبة للبنت اللي بهذلتها ....هي تستاهل البهذله من الاول وبعدين خلاص يكفيها ما جاها
اصلا اللوم يحط على زوجها لكن شكلها من حبها له تتجاهل هالشي وتحط الحرة على البنت .

واذا كانت تبي تترك البنت في حالها لاااااااااااااااازم تنسى الموضوع من اساسه وتبدا حياتها من جديد
وتحاول تشغل نفسها .... ان كانت مقتدرة تفتح لها مشروع ...... ولا تغير اثاث البيت منها تجديد للحياة
ومنها تشغل نفسها .

هذا اللي عندي وان تذكرت شي رجعت .