كيفية التعامل مع الشخص اللي اذا قال لا يعني لا مستحيل يغير رايه

مرحبا
انا امي من النوع اللي اذا قال لا يعني لا ولو تنطبق الارض على السماء ماغيرت رايها . وانا ماعندي مشكله مو شرط يتحقق اللي ابغاه بس على الاقل تناقش تتفاهم تقنعني اي شي
كيف اخليها تقبل النقاش ؟ يعني اشوف امهات الناس او بعض الازواج عادي يقول لا بس لو جيتيه مره ثانيه بوقت رايق ممكن يتقبل كلامك ويغير رايه . امي مستحيييل
بضرب مثال والامثله كثيره:
اطلب منها شي ترفض واسكت . اجي بوقت ثاني اقول يمكن صارت رايقه تقول لاتفتحين معي الموضوع احد قالك جيبي طاريه ؟؟؟؟؟ مستحيل تقبل النقاش
وحتى لو ارجع اقولها خلاص يمه ماابغى هالشي عشان لاتزعلين ( لاحظوا مافتحت الموضوع ولا طلبت مره ثانيه بس احاول اخفف غضبها ) تجي تقول لاتفتحين الموضوع ثاني وتصارخ وتهاوش واللي يشوفها يقول انجنت وتطلعني من المكان وتدفني وتضربني للعلم انا مو صغيره عمري 24
قالت لا يعني خلاااااااااااااااص مستحيل اجيها باللين وتقتنع
قالت لا يعني من سابع المستحيلات يصير هالشي
قالت لا يعني حتى لاتجين بوقت ثاني . ولو جيت صار شي مايرضيني ونقعد طول اليوم متزاعلين


كيف اتعامل مع اللي كذا . ومو شرط يصير اللي ابيه لان غالب الامهات كذا لكن اقل شي تعطي وجه لو برجع اقول مره ثانيه حتى لو ماراح توافق


التفاهم حلو