كيفية التعامل مع المشاكل 0000000

كيفية التعامل مع المشاكل..

(بهالطريقة راح نترفع عن المشاكل التافهه ونتعقل شوي بحكمنا على الاشياء ونقدر نضبط ردات فعلنا..ونحكم ان كان هالشي يسوى نضيع وقتنا عشانه او نحرق اعصابنا عليه او يسوى نرد عليه الاساءة ؟؟ وهل بيفيدنا؟؟)

منو جربت يوم تكون في قمة الضيقة تبتسم؟؟
وقريب خنقة العبرة تبتسم؟؟
ليش مانقهر قهرنا بابتسامة؟؟
(صدقيني بتحسين براحة ورضا ..وهالرضا وهالطمأنينة ممكن تكسبينها بطريقة حلوة بإذن الله
بعد طاعته والاجتهاد بالابتعاد عما ينهي عنه
اهي باثباتك الدائم وتأكيدك لرضاك فيه !!
شلون؟؟
كل ماتسمعين الاذان قولي
"رضيت بالله ربا وبالا سلام دينا وبرسوله محمد نبيا ورسولا صلى الله عليه وسلم"
فقد قال رسول الله صلى الله عليه وسلم
( صحيح ) _

عن سعد بن أبي وقاص عن رسول الله صلى الله عليه وسلم قال من قال حين يسمع المؤذن وأنا أشهد أن لا إله إلا الله وحده لا شريك له وأشهد أن محمدا عبده ورسوله رضيت بالله ربا وبمحمد رسولا وبالإسلام دينا غفر له * ( صحيح ) _ وأخرجه مسلم .

أبي سلام خادم النبي صلى الله عليه وسلم عن النبي صلى الله عليه وسلم قال ما من مسلم أو إنسان أو عبد يقول حين يمسي وحين يصبح رضيت بالله ربا وبالإسلام دينا وبمحمد نبيا إلا كان حقا على الله أن يرضيه يوم القيامة * ( ضعيف ) _ التعليق الرغيب 228/1 - 229 ، الضعيفة 5020 .

3-فكري مرة ثانية..هالشغلة صج تعتبر مشكلة؟؟..

هذي بعض انواع الصبر والتفاؤل بالحياة
ليش ماناخذ الدنيا بايجابية
ونحط فبالنا ان الدنيا ماتسوى

وأن إن انظلمنا
ربنا راح يرفع هالظلم عننا بالصبر
وتقولين هنيالي "ابات مظلومة ولا ابات ظالمة"

وأن إن انخدعنا

فهذي الدنيا تعلم دروس ..وانج اكتسبتي درس يديد وبديتي مرحلة يديدة

وأن إن فارقنا من نحب

فهذي الدنيا لقا وفراق..وكل شي يتغير ومحد دايم غير الله
واغلب الاحيان الله مايبلينا الا بالشي اللي نحبه او الشخص اللي نحبه فالصبر الصبر

إن كنتي وحيدة..او تحسين نفسج ضايعة

الله معاج..وموجود ويسمعج ويحل مشكلتج بطريقة ماتتخيلينها
وان لو تسكرت ابواب الدنيا باب الله مايتسكر

4-وصلنا الى شلون احل المشكلة واحاصرها واتغلب عليها..

أ-طريق الحل..

1-حاولي قد ماتقدرين تصبرين على مشاكلج وتلجئين لله

بعض المشاكل ربج يحلها ويسهلها بدون اصلا ماتحاولين
والمشكلة كل ماكبرتيها تكبر وان صغرتيها تصغر

2-فلاتتسرعين وتشتكين لأن..
:
1-مرات لاسمح الله تفضحين نفسج
يعني (اذا بليتم فاستتروا)
2-مرات توصل مشكلتج لشخص معين (او تقولينها للشخص الغلط)..
3_ممكن تعقدين هالانسان بسبة هالمشكلة
يعني لو كانت بنت مثلا تشتكيلها من ريلج تتعقد من الرياييل
ولو كانت مرا تبلينها وتخلينها مريضة شك وتبتدي تشك بزوجها
او ممكن اذا انتهت المشكلة ..ممكن بعدين اهي تذكرج فيها
انتي تنسين الظلم وتغفرين بس اهي ممكن من حبها لج ماتنسى وتبدا دوم تذكرج
وهالشي مو من صالحج

ب-الحل الحقيقي..

اول ماتصيرلج مشكلة
1-صلي ركعتين لربج وادعي واشتكيله واطلبي منه يعينج
2-استشيري اهل الاختصاص او اللي عندهم القدرة عالحل وتثقين فيهم وعاقلين

-للوقاية من المشاكل المتوقعة والغير متوقعة

(اللهم اجعل مصيبتنا في ديننا اكبر همنا)

1-حمد الله وشكره

2-الاستعاذه بالله من جميع سخطه

(يعني غضبه وتحويل النعمة والعافية الى الضد)
"دوري عن هالنوع من الادعية"

3-الاستخارة

شي عجيب ووتشوفين منه المعجزات
عودي نفسج بكل شي تستخيرين ربج
دعاء الاستخارة شنهو؟؟
"
" اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به "
الاستخارة مو بس انج ترتاحين لهالشي او ماترتاحين..لأ اهي دعاء وطلب من ربج
انتي دعيتي ان ان كان خير يقربه لج ويرضيج فيه
وان كان شر يوخره عنج ويعطيج اللي احسن منه وهم يرضيج فيه
سبحان الله

6-عشان تشجعين نفسج على ترك الذنوب تذكري..

1-من ترك شيئا لله ابدله الله خيرا منه
جربي كل مرة تتركين شي لربج واحتسبي الاجر عند الله وأيقني ان ربج بيعوضج باللي احسن منه..ودامج تدورين رضاه ان شاء الله بيرضيج
2-ومن يتق الله يجعل له مخرجا ويرزقه من حيث لايحتسب

7-لتجنب تضاعف ذنوبج والهلاك اعوذ بالله..


أ--حاسبي كلامج ممكن كلمة تهوي فيج في النار وممكن كلمة ترفعج اعلى الدرجات

ب-اذا عندج ذنب ابتليتي فيه ماله داعي تتحجين او تسوينه أشكرا
لكذا سبب..

1-تسترين على نفسج
2-ان تتجنبين تشجيع اللي جدامج من غير قصد على تقليدج
3-انج ماتخلين ذنبج يتضاعف
(هالنقطة خاصة للاذكيا بس)
مثلا
الاغاني (الكل سنة وشيعة عندهم الاغاني حرام فانتي اذا بتحللينها..من وين يبتي هالفتوى؟؟ والا سويتيلج مذهب بروحج لووول)
اذا عندج اغنية مثلا بتلفونج
لاتدزينها لرفيجتج
خليها تناقز تصعد وتنزل لاتعطينها
لان اهي كل مرة بتسمعها بتاخذين اثام تخيلي عاد لما تدزها لغيرج
وتخيلي لو مثلا مادزتهم لأحد بس في احد خذا هالنغمة من تلفونها ونزلها عالنت
يا سلاااااااااااام
جم شخص بيسمعها؟؟
وجم شخص بينزلها ؟؟
وجم شخص بيرد يدزها؟؟
وجم واحد ممكن يفسق ويفجر بسبتها
لاتقولين شدعوة وقوية!!
"لاتتبعوا خطوات الشيطان"

4-لاتفتين..

اذا انتي مستمرة على هالذنب ومفتشلة بس خذتج العزة بالاثم وماتبين تعترفين بغلطج..سكتي افضل يعني
ولا انج تفتين ان هالشي عادي او حلال..تدرين هذا شمعناته؟؟..انج كفرتي بما انزل على محمد صلى الله عليه وسلم


8-شلون تعينين نفسج على ترك المعاصي والذنوب وتقربين من الله..

(ان الله لايغير مافي قوم حتى يغيروا مافي انفسهم)
اول واهم شي..

أ-صلاتج..

(الصلاة والله والله والله تنهى عن الفحشاء والمنكر
واللي تقول غير هالحجي
اقولها صلاتج يبيلها اعادة نظر)
شرطها الاول عشان تنهيج عن الفحشاء والمنكر
ان تصلينها بوقتها
:
اذا ماتصلين او مو ملتزمة فيها

1-قومي بس صلي ركعتين وادعي ان الله يهديج وتصلين
وقولي
ابراهيم (آية:40): رب اجعلني مقيم الصلاه ومن ذريتي ربنا وتقبل دعاء

2-كثري من الاستغفار

3-لما يأذن رددي مع الأذان

4-لما يقول حي على الفلاح
او حي على الصلاة
اوالصلاة خير من النوم
قولي" لاحول ولا قوة الا بالله"

5-اذا الشيطان وسوسلج ان ارتاحي شوي
والا بعد شوي
والا دقيقة
تذكري
ان بهالفترة اللي انتي مأخرة الصلاة فيها تراج طلعتي عن ملة الاسلام
وتعتبرين مرتدة
الى ان تصلينها
فتخيلي لو ربج خذا امانتج على هالحال (لاسمح الله)
كل ماتتذكرين هالشي بتقومين تفزين وتصلين ان شاء الله

6-حطيلج جدول وسويه بشكل مرتب وتعبي عليه وخليه نظيف

وعلقيه بمكان انتي دايما مجابلته مثلا عالطوف يم التسريحة
كل ماتصلين صلاة حطي صح
لما يكون مرتب راح تلتزمين انج تحافظين على شكله وراح تلقين نفسج لا اراديا تتضايقين لي لقيتي فراغ فاضي
فراح تقومين تصلين غصب
ترى حتى لو كنتي من اكثر الناس اهمال راح تنفع معاج هالطريقة ان شاء الله(جربوها حق كل شي مو بس الصلاة)


ب-لما تبين تسوين معصية وخلاص انتي مدمنة هالشي وماتقدرين تهدينه

قولي لاحول ولا قوة الا بالله

عرفت ان اذا قلتي لا حول ولا قوة الا بالله لما تسمعين الاذان
(وبالضبط عند مقطع حي على الصلاة وحي على الفلاح)
هالدعاء يخلي ربي يقويج ويعينج انج تقومين تصلين
فقلت اكيد لو استعنت بربي واستغثت فيه من نفسي اني اسوي ذنب معين هم بيعيني
رفيجتي قالتلي ان
الدكتور محمد الثويني يقول 4 اشياء تحبطج عن طاعة الله وتشجعج عالمعاصي
ياربي نسيت ثنتين ..واذكر ثنتين فراح اضيفهم لقائمة الحلول

ج-اول شي لانقول عادي نسوي هالذنب كل الناس تسويه (يعني لاتستصغرين ذنبج)

د-لاتقولين انا احسن من غيري (طالعي اللي احسن منج)

"عن نفسي :دايما اقول يوم القيامة الانبيا عليهم الصلاةوالسلام كل واحد منهم يقول ربي نفسي نفسي
انا شأحسن منهم فيه؟ ياويلي من ربي"

س-استعيذي بالله من فتن الدنيا وشر نفسج

هـ- مهما صغر الذنب زعلي وأنبي نفسج عشان ماتردين للغلط وماتعطين نفسج فرضة تتعودين عليه

بس إن كثرت ذنوبج..
دوم استغفري
وإن كانت اصلا كثيرة..
لاتحبطين نفسج تقولين انا مو زينة
حاولي خطوة خطوة مع نفسج
واستانسي وارضي عن نفسج كل ماتبتدين تبدلين السيئة بالحسنة
بس اقول..استعيلي لان الواحد مايدري متى أجله

ودايما ادعي ربج ماياخذ اجلج الا واهو راضي عنج

اطال الله اعماركم على الدين والصلاح وطاعة الرحمن وهداكم لسراطه المستقيم وارانا واياكم الحق حقا ورزقنا اتباعا والباطل باطلا ورزقنا اجتنابا
:




منقوووووووووووووووووووووووووووول