كيفية التعامل مع اﻻبناء الي يفشلون

اه يابنات مادري وش اقولكم تعبت من عيالي الله يصلحهم مفشلين بكل مكان المشكله يابنات سفر ويسافرون مطاعم ومافيه مطعم بالرياض مادخلوه احسن البس البسهم بس مع ذالك كانهم ماشافو خير اليوم طلعتبهم الصغير ابو خمس سنين يطلع اصوات من فمه ويلحن بعد مدري من وين متعلم والثاني بثالث ابتدائي كملها وكسر الكاس قدام الناس ويجلسون ويفصخون جزمهم وحركاتهم مره مقرفه تعبت نفسيا ودي اطلعهم يوسعون صدورهم بس يهبلونبي وارجع والله الحين احس قولوني بينفجر مع ان بطني منتفخ من الحمل بدون والله تعبت الله يصلحهم يارب يوم رجعت رفعت ايباداتهم واﻻبتوبات طبعا الكبير انهبل وقام يتلفظ علي ونام من كثر ماصاح والصغير شقي بس خواف ويسكت بس مشكلته قدوته اخوه ويقلده بكل شي ماادري كيف اتعامل معهم تعبت مره اذا شفت عيال الناس الراقين مره اذكر الله واقول بنفسي وش ناقص عيالي عشان يصيرون مثلهم وبنات ﻻتقولون يمكن يشوفون احد كل الي حولهم بنات خواتي الغار كلهم بنات وعيال عمانهم صحيح مبهذلين بعضهم مو كلهم بس مؤدبين ومايتلفظون