منك نستفيد
:26: :26: :26: :27: :27:

مرحبا سحايب

رجعت لك مرة ثانيه ودي اسألك
شفت كاسكو في محل قبل امس وكلمت صاحب المحل اليوم بعد موضوعك
اسأله عن لون عيون الكاسكو بس طلع لونها ابيض مايل للسكري
ويقول هذا ان الطائر عمره سنه
ومافي حلقه معدنيه ف رجوله ! و انه خالي من الامراض
ويقول انه اكيد صاحبه الاصلي يكون معطيه الحقن
وش رايك تنصحيني لو نويت اشتريه والا لا
وسؤال اخر الكاسكو فقط يقلد اصوات الطيور ولو فرضا اشتريته بها العمر
هل ممكن ادربه على نطق الا سماء والا ماينفع ادربه وهو كبير
وايضا كم الاسعار المعقوله لهذا الببغاء ب الريال

وسؤال اخير سمعت لما يكون صغير صعب تدريبه ولذلك يجب ان يكون اللي مربيه عنده خبره ف الطيور
مارأيك ما الافضل للي ماعنده خبره ف الطيور ابد ابد هل يشتري الي متدرب وخالص والا ؟؟؟؟؟

واسفه على الاطاله

sendrella
السلام عليكم ورحمة الله وبركاته
اعذريني اختي عالتاخيركنت اواجه صعوبات في موقع التحميل
صورتلج اهم الادوات الي راح تحتاجينلها
http://earthmoon.jeeran.com/نورة1.jpg

والحينه نرجع لاسئلتج
القطط ريحتها وحدة وعندج بالصورة عطر لجسم القطة بعد الاستحمام رشي عليها العطر من مسافة بعيدة شوي دون ملامسة الوجه وهذا العطر ريحته رهيبة شرات العطور الفرنسية
افحصي القطة عدل اذا كانت متوسخة بفضلاتها فهي مصابة بالاسهال واذا شفتي مكان بجسمها مافيه شعر يعني مصابة بالفطريات واذا شفتيها هادية وماتلعب فهي مريضة واذا عيونها حمرة او تدمع بعد تكون مريضة واذا شعر جسمها متكتل فهذا مرض
وبالنسبة للتطعيم اذا كانت مطعمة فهي تحمل اوراق وشهادة التطعيم مدون فيه نوع الجرعة والتاريخ وحتى تاريخ مولدها
ثاني شيء ماشاء الله عندج سلاحف انا من زمان خاطري فالسلاحف وماعندي اي معلومات عنها انا عندي بالبيت سلحفاة بس هي مائية وهي موجودة في حوض السمك انشاء الله بعد كم يوم بسير سوق الطيور وراح اسألج عن السلاحف وبييب خبرهم انشاء الله
وعن اتخلين السلاحف ويا القطوة ماادري بس الاحتياط واجب
ينفع تنام القطة في البلكونة لكن بشرط ماتكون مفتوحة عشان ماتطيح وثاني شي الجو مايكون حار ولابارد جدا
الحينه انت تبين اتربين قطة ولاتبين اتشيلين الفضلات :confused:
المهم لا تخافين في نوع من الرمل ماتطلع ريحة واتحلل البول واسمحيلي (اتصلب الفضلات) وهذا النوع مايحتاج تغيير الا كل 3 اسابيع او شهر بما انها قطة وحدة يعني شيلي الفضلات وقلبي الرمل وبس والكمية على حسب حجم بوكس الرمل وانشاء الله احط صورة للرمل
واي سؤال انا حاضرة:27:

شاطئ الامواج
هلا حبيبتي
عمر الشهرين اوكي لانها خلاص انفطمت وانا كل القطاوة اشتريها بهالعمر وحتى عيال قطاوتي افصلهم عن امهم بهالعمر يمكن هي من الاساس كان فيها المرض
انا عندي 5 فرش بس امشطهم بواحد اذا ما كان فيهم مرض

وبالنسبة للمعلومات عن الذكر هاي اول مرة اسمع هالشي (ومنكم نستفيد)
لاني كنت افصل الام وقت الولادة وما اردها هي وعيالها الا بعد الشهرين.










~لولان~
مرااااااحب
اعتقد عمر السنة كبير اشوي لو يكون اصغر احسن
وعدم وجود الحلقة تدل انه ربما تربى في الغابات وليس المزارع
وربما يكون متوحش اذا لم يحسنوا تربيته
وما ادراك اذا كان مطعم ولا لا دون وجود الحلقة او شهادة التطعيم
الكاسكو يقلد اصوات الطيور واسماء افراد الاسرة وعبارات الترحيب ورنين الهاتف وكل مايكرر اكثر من مرة يعني راح يتعود بدون صعوبة واعتقد عادي ممكن يدرب لانه مب كبير وايد انا اعرف ناس عندهم كاسكو من عمر ولدهم الصغير وصار عمره الحينه 8 سنوات الكاسكو يعمر
بالنسبة للاسعار احنا اشترينا الكاسكو وكان عمره 3 شهور وبسعر 1500 درهم
بالعكس الصغير يكون افضل لانه مايفهم شي وسهل توجيهه وبيعتاد عالبيت بسرعة
والكبير راح يكون غريب ويمكن مايتعود عالبيتويكون شرس على حسب طبيعة النمط الي عاشه.
نصيحتي دوري كاسكو يكون تربية مزارع لانه اليف ومدرب ومطعم وفي رجله حلقة وعمره صغير

لأ والله ياعمري أنا الذكر اللي كان عندي كان مافي مثل بالمحبة والحنان وربي ما شفت مثله رااااائع وحنون بشكل ما تتصوريه وعادي أنا كنت ما أفصله عن الأم أبداً بالعكككككس أحسه لازم يكون معاها وتلقينه حتى يساعدها بالأطفال ويلعب معاهم بس هو عيبه كان أنه يتبول عندهم بمكان جلستهم يعني شوفي أنا مرة حطيتهم بسلة وماعجبتني السلة فنقلتهم لمكان ثاني على ما رحت نقلتهم وجيت لقيته جالس يتبول بالسلة ولمن حطيتهم بالبانيو بالحمام يكرمك ربي بعد راح وتبول عليهم وصار يتبول بكل محل هلكني :(