^
^
ي حوااامل
اليوم جايبه لكم موضوع عن العنايه بجرح الولاده الطبيعيه لان
كثير منكم يعانون منه وخاصه البكريات ويتاخر جرح الولاده
انه يلتأم اكثر من شهر لذلك بسبب انه يلتهب وينتفخ الجرح بسبب تلوثه من دم النفاس ومن منطقتي الشرج و البول او تنفك الغرز ولا يتم اعادة خياطته بسبب تكون الصديد الي بسبته يتطلب ازالته وجعل الجرح مفتوحا حتى يختفي الالتهاآب تماما وحتى مايصير فيه آآلم فالجماع مستقبلآآآ ..
عشان كذا اليوم جايبه لكم كيف تعتنون فيه و يبقى نظيفآآ وجافآآ ويتم التئاآمه بسرعه بدون ماتقعون بالاخطاء ..
اول شي جرح الولاده الطبيعيه هو شق يشقونه الاطباء ويسمى شق العجان واحيان بسبب تمزق الجنين للمنطقه
فيبدأ الاطباء بخياطة الشق ويجلس لمدة اسبوعين
او ٣ او ٤ اسابيع على التئام الجرح ..
راح اكتب لكم خطووات ان شاء الله تساعدكم على التئام الجرح بسرعه ..
اول شي اهتمي باكلك وشرب الدوافي قدر المستطاع
وشرب الماء بكثرره لان قلة شرب الماء يسبب الامساك فيسبب ضغط على المنطقه فيأثر على الجرح ويكون سبب في فك الغرز
^
^
ثاني شي قريت هنا للعضوه بائعة المسك الله يجزاها خير ويطول بعمر امها انها كانت تحط لها بيض مع الحليب وتشربه وهي اصلا ماكانت تعرف تحسبه حلبه مع حليب خلال ١٥ يوم قامت طيبه ولله الحمد استخدمووه ان شاء الله ينفع معاكم ..
^
^
وثالث شي استخدموا الفلفل الابيض والاسود والزنجبيل بجميع اكلاتكم بمرقة اللحم او بالشوربه او بالحليب او قشر قهوه مع الزنجبيل وحافظوا على اكل الفواكه والخضار والسلطات لانها سبب في تلين البطن و البعد عن الامسااك ..
^
^
ورابع شي اعتنووا بمكان الجرح بالمراهم واكل المضادات الحيويه الي تصرفها المستشفى واستخدام مرهم ميبو جداا ممتاز ..
^
^
وكذلك منقوع المره ..
حطيه بقارورة ماء صحه واستخدميه بقطنه على المنطقه
^
^
وفيه طريقه قريتها بالنت انك تحطي
زيت زيتون مع خوا وجوا وكسرة مره
الطريقه : تطبخيه على نار شوي وتحطيه بقروره وكل ماحتجتي تستخدمي منه بقطنه على المنطقه
وكذلك منقوع الملح جدا مفيد خاصه للاالتهابات المنطقه
وتلوث الجرح من منطقه الشرج تشطفي فيه او حطيه
بحوض وتنقعي فيه مع ماء دافيء
^
^
او تشطفي بمطهر البيتادين او مطهر تصرفه لكم المستشفى
كل مادخلتي تشطفي زين زين وجففي المنطقه تجفيف خفيف..
^
^
خامس شي
تغيير الفوط الصحية أكثر من مرة في اليوم تذكري القيام بتمارين الحوض (تمارين كيجل) في أسرع وقت ممكن بعد الولادة والمواظبة عليها لأن هذه التمارين تزيد تدفق الدم في المنطقة وتعجل عملية التئام الجرح
سادس شي
حافظوا وقت جلوسكم يااما تكوني مستلقيه على سريرك يااما تكوني جالسه على وسادة أو مقعد دائري مطاطي و لين
واذا كنتي جالسه على الارض لا تجلسي جلسه وانتي متربعه لااا خلي جلستك على جنب يعني تحطي رجلك على رجل ان شاء الله فهمتوا علي
وقت ماتمشي امشي بهداووه لاتسرعين وانتي تمشين لا ترا تنفك الغرز مع اي حركه غلط
كل شي بهداووه ..
سابع شي
ابغى منكم تدعون لي ان الله يحقق لي امنيتين اتمناها من كل قلبي انها تصير ويحقق الله مرادي ..
وان شاء الله ان دعواتكم مستجابه ي حوامل عند ربي
ويستجيبها منكم باذن الله ..
ثامن شي الله يقومكم بالسلامه وتشوفوا اجنتكم باحضانكم وهم كاملين الصحه والعافيه والسلامه ي رب العالمين ..🌸
والي عندها اي اضافه وحابه تضيفها لاخواتها لاتبخل و لها الاجر ان شاء الله ..❤
يعطيك العافية موضوع مفيد وإن شاءالله يستفيدوا العضوات منه