جزاك الله الف خير طريقه جدااااااااااااا راءعه :27: :17:

مراحب
اخواتي
شروق الشمس ومريومة
شكرا على الاطراء ومريومة الله يسهللك النقل على خير.

يا شيخه الله يسعدك دنيا و اخره قولي امين
أنا بعد عشرين يوم حنقل من مدينه لمدينه تبعد الف ومية كيلو
وحايسها مررره ادوات المطبخ عندي زي الكوم ولا الملابس الله لا يوريكي منة كثره ما تكفي الشنط
مني عارفه وش اسوي
ولا البهارات كتير وش اسوي فيه
الله يسعدكم كلياتكم لا تبخلوا عليه علموني
شو بدي اعمل

موضوعج يا في وقته مع اني كنت أتحضر للانتقال من شهور لأني أغراضي كثيرة وأحب تكون بنفس الترتيب على طول .... والله الإنتقال بحد ذاته هم على القلب فلو الواحد يبتدي ينقل حاجياته اللي ما يحتاجها دائماً
والنقل يكون بالتدريج غرفة غرفه وايد أريح .....
بالنسبه لفكرة شركات النقل فما أستسهل الفكرة لأنه لازم تكونين متواجدة 24 ساعه معاهم لأنهم بينقلون على هواهم والترتيب عليج وبيضيع كل وقتج وانتي تدورين وين حطوا الأغراض وكيف قسموها وكيف صنفوها

بقولكم عني :

أنا بديت من بدا الحر شليت كل الثياب الثقيله من كبتي وضميتهم في شنطة ولصقت عليها ليبل كتبت فيه (شتا)

ثياب السفر كلها شتويه ضميتها في شنطة كبيرة مع الجاكيتات والمعاطف ولصقت عليها ليبل كتبت فيه (سفر)

ثياب ولدي اللي صغرت عليه:
صفيت اللي توصخ من كثر الإستعمال طبعاً الجمعيات الخيريه والمحتاجين وايد
وخليت الخدامه تغسل الباقي وتصنفه يعني ملابس من 0-3 تربعهم وتحطهم في الشنطة اللي محضرتنها للبيبي اليديد ولصقت عليها ليبل كتبت فيه (سفر)
وفي شنطه أكبر باقي الملابس تكون مطبقة ومصنفة بالأشهر يعني من 3-6 في جنب من الشنطة ومن 6-9 .... 9-12 وهكذا في شنطة واحدة بس مصنفة ومعزله عشان أستعملهم للبيبي الثاني .... الجواتي كيستهم كل زوج بوحه في أكياس شفافة صغيرة والدلغة(الشرابات) دخلت الفردة في الثانيه عشان ما أتعب وأنا أدور الزوج.. القبعات حطيتهم كلهم في كيس نايلون شفاف يبين محتوياته أسهل لي ولصقت على الشنطة ليبل كتبت فيه (ملابس الأولاد)

باقي ملابسي وملابس زوجي (كلها معلقة) ناويه أشيلهم جيه مثل ما هم بالسيارة وأعلقهم على طول في الكبتات هناك

ملابس ولدي اللي نفس الشي بشيلهم وقت الإنتقال وكلها معلقة مجرد أنقل من هنا لهناك

حقائب يدي والأحذية حشيتهم بورق الجرايد ولفيت كل زوج حذاء في كيس نايلون شفاف و الشنط بعد كيستها وبعدين حطيتهم كلهم في أكياس الزباله وربطته في البيت الجديد عندي خزانه مخصصه برفوفها للأحذيه والشنط برتبهم هناك على مهلي لأن ماأظن راح أستعملهم خاصة اني على وش ولادة...

المكياج وأدوات التجميل شريتلهم شنطة خاصة فيها بحط كل شي يتعلق بالتجميل بطريقة اني أعزل كل شي فيها بالإستعانه بالمقلمات لأقلام التحديد والماسكارا و الآيلاينر والجلوسات وأخرى للأرواج وفراش المكياج في علبهم والكريمات في أكياس نايلون

مفارش وأغطية الأسرة محفوظة في أكياسها دوماً

الأجهزة الكهربائيه كلها بحطها في كراتينها الأصلية (الغسالة المكنسه الخلاط المكرويف التلفزيون والرسيفر والكمبيوتر والمسجل)

السجاد بطويه وبربطه

الفازات والتحف بلفها بقماش سميك وجرايد وبحطهم في صندوق بكتب عليه (قابل للكسر)

والصحون والأكواب والفناجين بردها في كراتينها الأصلية <<<< الحمدلله اني ما أعق الكراتين أحتفظ فيهم لهذا الغرض من سنين

الفضيات من الأدوات المطبخيه راح أصنفها واربطها في كيس سميك واكتب عليه (فضيات)

القدور والطوس والطبقات بحطهن داخل بعض في كرتون عود وبكتب عليه (مطبخ)

والثلاجة والبوتجاز نقلهم عادي

في أغراض ما تحتمل الحرارة مثل الأدويه والمراهم الصيدلية المنزليه الشموع وماشابه برتبهم وبحفظهم في مكان بارد وبنقلهم آخر شي

الأثاث (غرفة النوم وطقم الصاله وطاولة الكمبيوتر و المكتبات وطاولة الكوي) بنقله على مهلي وبرتب هناك على راحتي أحسن من اني أزحم المكان بالأثاث


:)
لو تذكرت شي بقولكم
لوعندكم أي زيادة أو أي ملاحظة بلليييييز نبهوني

يعطيك الف عافية

والله النقل شي يجنن ومتعب

بس اللي ترتب اغراضها وتنظمها

من بدري شوي شوي ماراح تتعب

تسلمين على الموضوع :26: :26: