دولابك حوسة ...!!
البلايز على البناطيل على الشنط على السكارفات ..
دايما تبغين البلوزه الفلانيه تدورينها ساعه حتى تحصلينها ..
البدي العلاني مدعوس بين الملابس !!!
يعني الأكيد ان دولابك في يوم من الايام صار
بهذا المنظر
http://hh7.an3m1.com/Sep/an3m1.com_13255222521.jpg
وممكن يكون وصل لهالحاله المستعصيه ..
لدرجة انك اذا دخلتي غرفتك .. ماتبغين تشوفين جهة الدولاب
لانك اذا شفتيه مزاجك راح يقلب 90 درجه
طيب شوفي هالصورة ..
http://hh7.an3m1.com/Sep/an3m1.com_13255222522.jpg
حلو التنظيم و الترتيب صح ...
وكمان سهل ومايكلف عليك
طيب ايش رايك لو قلت لك تقدرين تخلين دولابك زي كذا ..
http://hh7.an3m1.com/Sep/an3m1.com_13255222523.jpg
ويمكن احلى لو اضفتي له افكارك ولمساتك واكسسورات ممكن تكون عندك
او تشترينها باسعار رخيصة ومتوفره بأي مكان.
..........
راح اعطيكم افكار وطرق كيف ترتبين وتنظمين دولابك باللى فيه ..
عشان يصير تبديلك لملابسك بشكل آسرع و آسهل والاهم آريح و ممتع آكثر ..
الدولاب يقسم الى قسمين ..
قسم لتعليق الملابس ..
قسم لتطبيق الملابس او للبوكسز و الباسكتس ..
يفضل ان كل القطع تتعلق وهذه ميزة غرفة الملابس .. انها تتميز بجدران على شكل دواليب تشيل على كيفك ..
ماعدا طبعا بجايم النوم و ممكن القمصان الافضل انها تكون فولدد..
انتبهي ...
في اقمشه ما تتحمل التعليق اللى هي الستريتش لانها حتاخذ شكل العلاقه وتخرب عليكي ..
باي علاقه تعلقين التنوره و البنطلون ...؟
http://hh7.an3m1.com/Sep/an3m1.com_13255222524.jpg
العلاقه ام كلابس لان العلاقة العادية راح تتحرك فيه القطعة وتخرب لك الكوي وشكل الدولاب
عندي لك طريقة ..
اذا رتبتي دولابك فيها صدقيني بترتاحين ..
اذا عندك غرفة ملابس حتكون في الدولاب الاقرب ..
واذا ماعندك راح تكون في الرف الاقرب او في العلاقات الاولى ..
بدل ماتقعدين تحركين في هالعلاقات كل يوم .. ..
البلايز اليومية .. البناطيل اليومية .. التنانير اليومية .. الجلابيات اليومية ..
هذه تكون على الطرف ..
بلايز الطلعة .. بناطيل الطلعة .. جلابيات الطلعة .. تنانير الطلعة ..
هذا تكون في آخر دولاب او الرف العلوي او آخر التعليق ..
والاحلى لمن تكون مقسمه ملابس الطلعه بلايز كم طويل .. بلايز كم قصير .. كت ..
والتنانير .. طويل .. قصير ..
البناطيل .. جينز .. قماش ..
صدقوني كذا ماتضيعون في الاختيار ..
بسرعه تختارين لبسك بسرعه تلبقين له ولاتحوسين هنا وهنا ،،
اذا ابغى مشتهيه اليوم البس تنوره طويله اروح للتناير الطويلة ،،
مشتهية اليوم بنطلون قماش لقيته بسرعه ماهو مدعوس بين التنانير و الفساتين ..
يعني راحة الصراحة ..
حلو لو تمسكين الفساتين وتنظمينها بهالشكل ..
اول شئ الفساتين الطويلة .. بعدين الفساتين القصيرة ..
وتخلين الجلابيات اذا عندك قبل الفساتين الطويله ..
كذا بسرعه اذا تبغين الفستان القصير الفلاني ماتروحين تدورين بين الجلابيات ،،
وفساتين الاعراس الافضل يكون لها دولاب خااااص لانها تااااكل مساحه
خصوصا اذا كانت منفشه وفله )))
او تحطين في آآآآآخر الدولاب ..
http://hh7.an3m1.com/Sep/an3m1.com_13255222525.jpg
قسم ملابس النوم ..
اذا حابه تعلقينها علقيها لكن بشرط البلوزه مع بنطولنها ..
اذا حابه تطبقينها كمان شرط تطبقينهم فوق بعض .. ويكون رف للبجايم او قسم تعليق لهم لحال
لان طبعا الكل يحب البجايم فتكون يااااااااكثرها عندك ..
قمصان النوم الستان ممكن تتطبق لكن حترفع ضغطك لانها تتزحلق
او ممكن تعلقينها بالعلاقه اللى لها مكان للحبل ..
او ممكن تاخذين سلال او كراتين حلوه ..
تحطينهم فيها مع كورة رائحه زكيه ياسلام ، وتكون تحت التعليق في دولابك ..
او في رف فاضي في غرفة ملابسك او اذا دولابك كبير
http://hh7.an3m1.com/Sep/an3m1.com_13255236781.jpg
او ممكن تشترين المقسمات .. تلاقينها في ايكيا ..
الشوز في دواليب يكون لها مكان خاص ..
وبكذا يكون احلى و احلى .. والشنط قريبه من الملابس
http://hh7.an3m1.com/Sep/an3m1.com_13255236782.jpg
ممكن تحطين شوز الطلعات ،، لكن طبعا شوزات الاستخدام اليومي تكون في مكان خارجي في غرفتك او عند مدخل البيت ..
ممكن تاخذين لها هالرفوف تلاقينها في كل محلات كماليات البيت
http://hh7.an3m1.com/Sep/an3m1.com_13255236783.jpg
او هالجيوب حلوه مره .. لكن الاغلب تكون للفلات و السليبر ..
http://hh7.an3m1.com/Sep/an3m1.com_13255236784.jpg
الشنط ..
و مااااا ادراكي ما الشنط ..
بعضنا يحطونها في رف في الدولاب ،،
لكن القهر انها تخرب اذا مرميه فوق بعض ..
بعضنا يعلقها في شماعه او علاقه العبايات .. لكن برضها مو حلو شكلها او ماتكفي ..
وحتى في بعض الشنط الجلديه اذا معلقتها وفيها شئ تخرب ..!!!
الحل
انه اما تشترين من البوكسات الكبيرة
http://hh7.an3m1.com/Sep/an3m1.com_13255236785.jpg
وترصين الشنط فوق بعض بشكل منظم ..
لكن هالحل مو عملي .. راح تنسين الشنط وبسرعه تتقربع ..
لكن الافضل انه تشترين من العلاقات الجداريه .
ثنتين او ثلاث .. على حسب كمية شنطك
وتثبيتن العلاقه داخل دولاب ملابسك على جنب ..
واذا دولابك مافيه مكان ومايشيل علاقه وشنط
ممكن تعلقينها على جدار غرفتك لكن في مكان غير واضح لان اذا شنطك كثيرة
بيكون شكلها مو حلو وفوضوي ..
لكن داخل الدولاب احسن ،،
لان افضل الشئ تكون الشنط كلها معروضه قدامك ..
****
الملابس الداخلية ..
الافضل انها تقسم في سلال ..
الملابس الداخليه في سلة ..
http://hh7.an3m1.com/Sep/an3m1.com_13255240332.bmp
أو ممكن المقسم
http://hh7.an3m1.com/Sep/an3m1.com_13255240333.jpg
بس الافضل السلال لانها ماراح تكون مطبقه طوال الوقت في الدرج لازم تتقربع !!
وتكون في سلة لبرا السهرات ، المشدات .. وهذه السلة تكون في مكان خلفي او مكان بعيد
لان ماراح تحتجاينها كل يوم ،، يعني عشان ماتاخذ لك مكان في الدولاب وتسوي لك زحمة ..
،انتي ماترجعين لها الا يمكن مره كل شهرين !!!!
ومن الطرق اللى تنظم الدولاب وتخدمك ..
انك تصنفين الملابس باللون و الشكل ..
الاسود مثلا .. ترصين البلايز جنب بعض ..
الوردي .. الازرق وكذا .......
http://hh7.an3m1.com/Sep/an3m1.com_13255240334.jpg
اتمنى اني اكون افدتكم
منقووووووووول