السلام عليكم و رحمة الله و بركاته ..

حبيبتي بعد كل مرة تنظفي بيها الأرض غسليها
بتايد أو أي صابون غسيل تستعمليه + كلوركس ..
يا إما تغسليها جوة سطل أو كروانة عشان تنظف كويس ..
حتى لو في نفس السطل أو العربية إللي تحطي فيها موية مسح البلاط
و منظف الأرض عشان تتغسل بالمرة كمان ..
أو حطي الصابون على شعر المكنسة نفسه و أدعكيه بيدك مزبوط
و بعدين أشطفيها بالدوش أو بشطاف الحمام -أكرمكم الله -
ألين ما تنظف و ينزل منها كل شي عالق فيها و تشوفي الشعرات نظفت
و لونها رجع أبيض تاني ..
و إذا كانت مرة وسخة و ما نفعت من أول مرة كرريها تاني أو أنقعيها شوية بعدين أدعكيها
و الأفضل إنها تكون موية دافية ..

و بعدين أشطفيها بشوية ديتول و أعصريها و أقلبيها أو سنديها على شي
بحيث يكون الشعر فوق عشان تنقط منها الموية و تنشف و ما ترطب و تسوي ريحة مو حلوة ..

و قبل ما تستعمليها أشطفيها بماء و شوية كلوركس أو ديتول
و بعدين حطي منظف البلاط إللي تستعمليه عشان تكون ريحتها فريش ..

و أهم شي إنك تكنسي بالمكنسة الكهربائية قبل ما تمسحي
البلاط ..

:)


تحياتي ..
جــــداويــــــــة

أنا أغسلها بالغساله بمويه وصابون وكلوركس
ونشفها بالنشافه
بعدين بتطلع معقده امشطها بأصابعي وتطلع نظيفه
أسوي هالحركه مره أو مرتين بالشهر

مشكوووووريييييييييين جميعا ، الله يجزيكم كل خير على ردودكم