كيفية عمل البنطلون الكروشيه ؟؟؟

السلام عليكم
الاخت ام مى

لعمل البنطلون

نعمل سلسلة بدوران الوسط

ثم نشتغل عليها بالغرزة المطلوبة المسافة المناسبة للبنطلون من اعلى

ثم نقسم العدد على 2 لعمل الرجل

لعمل الرجل نترك اول غرزتين فى السطر ثم نشتغل السطر حتى قبل اخر غرزتين نتركهم

ثم نشتغل كل الرجل بنفس الطريقة ننقص فى اول واخر السطر غرزة

حتى نصل لطول الرجل المطلوب نقفل الشغل

ونعمل الرجل الثانية مثل الاولى

ارجو ان اكون افادتك

الاخت الغاليه yokoشكرا لكى على ردك على والطريقه ال انتى شرحتيها انا عملتها قبل كده ونفذت بها الطقم بتاع الطفله ال فى موضوعالاخت الغاليه ام يمنى صفحه رقم 2ال لونه اخضر مع العلم ان شرح البترون الخاص بالطقم واضح انه عمل ا لبنطلون على جزئين وحردهم زى البنطلون القماش ثم خيطهم مع بعض بس انا عملت بطريقتىوهى نفس طريقتك ولكن لاحظت ان البنت لما بتقعد الخيط بيتشد من عند الحجر يعنى من عند نقطة تقسيم الرجلين يا ريت تفيدينى بخبرتك والف شكر على الرد

اختى yokoنسيت اقلك ان الموضوع بتاع ام يمنى اسمه منوعات كروشيه للاطفال صفحه رقم 2 وانا اسفه مبعرفش احط الروابط زى باقى الاخوات علشان تكون عملية البحث سهله

السلام عليكم

ام مى

لية الحجر بيشد

هو انتى مش بتسيبى غرزتين مع تقسيم الرجل من كل رجل يعنى حيكون فية فراغ بين

الرجلين بمسافة حوالى 2سم ثم تبدائى الحردة من بعدها وكل ما تشتغلى بتوسع الحردة
يبقى منين الخيط حيشد

طيب حقولك طريقة تانية للبنطلون وان شاء اللة حتكون كويسة

اعملى السلسلة بدوران وسط بنتك ثم اشتغلى سطر عواميد

ثم عدى العواميد وقسميهم على 2 ثم يبقى معاكى نصف للامام ونصف للخلف

فى منتصف كل نصف اعملى عمودين داخل العمود اللى بالنصف واشتغلى باقى العواميد عادى

ثم تعملى 2عمودداخل ال2عمود فى باقى السطور حتى تصلى للجزء الاعلى للبنطلون

وتبدائى فى تقسيم الارجل وتوقفى التزويد

قسمى الرجل مثل التقسيم السابق واكملى باقى البنطلون حتى النهاية

شكرا جزيلا لكى يا اختى انا فعلا ما بسبش غرزتين وانشاء الله حعمل البنطلون بطريقتك ويكون مظبوط والف الف شكر لكى لانك ما اتاخرتى على وعلى فكره انا كمان مصريه ويا رب منحرمش منك ابدا