وعندهم اراده وقوه بأنهم بيوصلو للشي اللي في بالهم ..
وماعندهم غير ~(يامدور الهين ترا الكايد احلى )~
< طريقه صنع زيت جوز الهند > .. ياسلااااااااام زيت اصلي من تحت ايدينك ..
وعاملته بحب .. وش بيكون ..؟
ممكن احد فيكم يعرف ها الطريقه وممكن لا .. مثلي سابقا .. حبيت اوضحها لكم
بالتفصيل .. مشان تعرفو كل خطوه ..
صحيح شوي طويله .. ويبغى الها( صبر )..بس والله بس تشووفو النتيجه النهاائيه انها
كيف تحولت من جوزه الى زيت ..
بتحبو روحكم اكثر على ها الانجاز ياهو انجااز ..الاهم .. ~خالي~ من الكيماويات .. وبعدين احسن لناا من الزيت اللي من بره نشتريه اللي مادري وش حاطين فيه .. ربع الغرشه زيت والباقي ماي والا زيت عافيه .. وريحه ..
فوائد زيت جوز الهند كثيره .. منها البشره ..يحمي بشرتنا من التجاعيد .. ويحافظ على مستوى الكوليسترول ..فقدان الوزن ..وزياده المناعه وغيرها ..من الفوائد .. اكيد بتقولو
كيف تفيد نا بنقص الوزن .. وهو زيييت ..
اممم .. بقولكم ..
زيت جوز الهند يحتوي على سعرات حرارية أقل من الزيوت الأخرى ، ومحتواه من
الدهون وتحويلها بسهولة إلى طاقة ، وأنها لا تؤدي إلى تراكم الدهون في القلب
والشرايين ..
ادري تعبتكم من القرقره .. بس حبيت انكم تستفيدو .. وتعرفو عن ها الزيت العظيم ..
يابنات ..احنا بحاجة إلى فهم أن حالة شعرنا تعتمد على الصحة العامة الخاصة بنا ..
لا شامبو.. بلسم.. غسول ، كريم ، ورغوة أو أيا كان يقدر يعطينا دائما شعر صحي..
الآثار الايجابية اللي تجينا من كل من هذه الأساليب تكون مؤقته وقصيره الأجل في
أفضل الأحوال
الشعر الصحي يبدأ من تحت سطح فروة رأسنا
بحيث يحمل الدم من خلال الشرايين المغذيه المتصله ببصيلات الشعر..
و عادات الأكل السيئة يحرم شعرنا من الغذاء ..وبكذا بيوصل الى الجفاف والبهتان وعدم
الحيويه وتقصف..الخ ..وانتو خابرين بالباقي ..اسمعو الكلام وخففو :p من
~ الشبسات والمايونيز وها المطااعم~ اللي ماغير تاخذ صحتنا وفلوسنا loOoOol..
أي نمتع حالنا مره مرتين ..بالشهر بس مو كل ليله من مطعم ودهون وزيوت على
كبدنا ..
يابنات ان اكثر الشامبوهات العاديه تفقد شعرنا ~البروتين ~وبكذا يضعف ويتساقط ..
وبزيت جوز الهند بيعوضنا ها الماده .. اللي بتقويه الشعره من البصيله ..
بدخل بفوائد اكثر ..زيت جوز الهند يزيل القشره ..يساعد في نمو الشعر المتضرر
ويغذي الشعر مثل ماقلت سابقا لانه يحتوي على جميع البروتينات اللي تحتاجها الشعره ..
احسه لما احطه بشعري وادلك راسي يزيل التوتر عندي ..
احس براحه عجيبه حتى ريحته .. تنعنشني ويزيل كل الارهاق الذهني مني
نبدأ بسم الله ..
المرحله الاولى :
استخدمته 3 جوزات .. نظفتهم وغسلتهم ..وقصصتهم صغير مشان الخلاط يفرمو زين .. ونقعتهم بمويه مشان يلين شوي .. تقريبا ربع ساعه ..
المرحله الثانيه :
حطيت جزء بالخلاط مع تقريبا نصف كأس ماء مغلي وخليته ينفرم ..
يتبع
شلته من الخلاط وحطيته في باول كبيره وحطيت معاه كاس ماء مغلي وجلست اظغط عليه مثل العجينه .. وانتو تخلطو بتحسو طلع الماده البيضه من الجوز .. واصلوو تقريبا 5 دقايق ..
المرحله الرابعه :
جهزي المصفاه وباول ثانيه .. وخذيه قبضه يد من الجوز واظغطيه عليه ..خلي المويه تنزل ..وهكذا لين تخلصين الكميه ..
المرحله الخامسه :
خذي ماء الجوز وحطيه بقدر ..وانتبهي يكون القدر سميك .. مش الستيل .. لان بيحرق الحليب اللي استخرجناه من الجوز ..
وخليه يطبخ على نار وغطيه بالغطاء وتقريبا ساعه الى ساعه وشوي لين يتبخر الماء اللي فيه وبيفصل الزيت عنه .. بس انتبهي تحركي كل شوي .. لاتحركيه ابد..
حبيباتي ..ملاحظه : لماا توصلي لها المرحله ..
ماتحركين القدر خلال ماهو على النار .. لما تشوفي انه فصل وبان الزيت ..
انتي بس ميلي القدر وحاولي تكبيه بصحن ومافي مشكله ان امتزج معه نقطه او نقتين من الجوز اللي بالقدر ..