** الوقاية من أشعة الشمس **
مع التعرض للشمس عامة و شمس الصيف خاصة
لازم نعرف نتعامل إزايي مع التعرض للشمس وإزاي نحافظ على بشراتنا
أول حاجه لازم نعرف ليه نحمي بشراتنا من الشمس
هل الشمس لها مخاطر على البشرة؟
أيوة , لأنها بكثرة التعرض لها بتسبب : تغيرات في ملمس البشرة , تجاعيد بالبشرة , سرطان بالجلد ,ظهور شعيرات دموية دقيقة بالبشرة , سماكة بالجلد , عجز البشرة , حروق شمس , إحمرار بالجلد , تصبغات بالبشرة وظهور بقع بنية اللون ونمش وعدم توحد بلون البشرة
دي المشاكل الجلدية اللي ممكن تحصل
بالإضافة إلى مشاكل العين اللي ممكن تتضرر من أشعة الشمس ولتجنب الضرر دا ينصح بإستخدام نظارات شمسية
نستنتج من دا إننا لازم نحمي بشرتنا عند التعرض لأشعة الشمس
وأول نصيحة بيقولها طبيب أو طبيبة الجلدية هي تجنب أشعة الشمس علشان يحمي البشرة من التجاعيد
كيفية الوقاية من أشعة الشمس
** تعتبر ذورة أشعة الشمس المضرة اللي لازم نحمي بشرتنا منها هي من الساعة 10 صباحا حتى الساعة 4 عصرا
** الملابس تعتبر من أفضل طرق الوقاية من أشعة الشمس .. والدليل واضح لو تعرض شخص للشمس بملابسه على جسمه والوجه مكشوف .. فالفرق باللون هايظهر بين الوجه وباقي الجسم
** استخدام الكريمات الواقية من أشعة الشمس لايقتصر فقط على الأيام المشمسة بالصيف فقط ولكن صيفا وشتاءا أيضا
** كريم واقي الشمس يوضع على البشرة قبل الخروج بنصف ساعة
** مهم جدا الكمية اللي توضع على البشرة من الكريم وهي تقريبا 2 مللي على بشرة الوجه يعني تقريبا حجم عقلتين من الإصبع طبعا بتكون البشرة دهنية وكأنه فيه زيت على البشرة
فبتجيبي أي قماش قطني خفيف جدا وبضغطة خفيفة على بشرتك فقط كي تمتص الدهون الزائدة من على البشرة
كتير بنات بيحطوا كمية بسيطة جدا من كريم الوقاية ليتجنبوا المنظر الدهني للبشرة بعد وضع الكريم ودا غلط لأنها بكدا بتكون حطت كمية قليلة غير كافية للحماية .. فبترجع تشتكي إن الكريم ردئ وإنه لم يوفر الحماية لبشرتها ودا غلط لأن الغلط منها لأنها لم تستخدمه بالطريقة الصحيحة
** لابد من تكرار وضع الكريم الواقي من أشعة الشمس كل 2-3 ساعات تقريبا أو إذا اتمسح من على البشرة أو غسلتي بشرتك أو مع العرق
أنواع الكريمات الواقية من أشعة الشمس:
1-كريمات وقاية فيزيائية
وهي مثل كريمات الزنك أوكسيد زي كريم سودو كريم
مشكلة الكريمات دي إن إثناء وضعها بتترك لون واضح على البشرة .. كمان إن مفعولها أثناء وجود الكريم فقط يعني لو مسحتيه بيديك بيروح مفعولها وفعاليتها
2-كريمات وقاية كيميائية
ودي فكرة عملها إنها بتتفاعل مع خلايا البشرة فبتوفر الحماية للبشرة .. يعني لو مسحتي الكريم بيديك بيفضل مفعولة وحمايته للبشرة زي ماهي .. ودي بيكون داخل من ضمن تركيبها قليل من مواد الحماية الفيزيائية
أما الفرق بين
(( سن بلوك وسن سكرين ))
(( Sun block & Sunscreen ))
سن بلوك Sun block
ودا بيعمل كحاجز على البشرة تماما وبيكعس الأشعة كلها من على البشرة
ودا هو نفسه الواقي الفيزيائي اللي تكلمت عنه قبل كدا
وهي مثل كريمات الزنك أوكسيد زي كريم سودو كريم
مشكلة الكريمات دي إن إثناء وضعها بتترك لون واضح على البشرة .. كمان إن مفعولها أثناء وجود الكريم فقط يعني لو مسحتيه بيديك بيروح مفعولها وفعاليتها
سن سكرين Sunscreen
ودا هو الواقي الكيميائي اللي تكلمنا عنه قبل كدا
ودي فكرة عملها إنها بتتفاعل مع خلايا البشرة فبتوفر الحماية للبشرة .. يعني لو مسحتي الكريم بيديك بيفضل مفعولة وحمايته للبشرة زي ماهي
*
*
*
نيجي دلوقتي علشان نعرف يعني ايه درجة الحماية SPF للي يحب يعرف معناها
وببساطة
هي المدة التي يبقى فيها الكريم فعال في حماية البشرة من الشمس
مثلا معنى درجة الحماية مثلا 30
إن البشرة بكريم الحماية مش هايحصلها حرق شمس أو إحمرار إلا لو لو اتعرضت 30 مره لنفس الاشعة اللي سببت حرق شمس أو إحمرار لبشرة ماعليهاش كريم حماية
يعني مثلا كمية الاشعة دي هاتعمل احمرار بالبشرة الغير محمية في خلال 10 دقايق
يبقى الكريم دا لو درجة حمايته 30 يبقى هو هايحمي البشرة 30 مره أزيد يعني هايحصللها احمرار بعد حوالي 300 دقيقه وهكذا
دا تعريف درجة الحماية
عموما احنا لما بننصح أي حد يستخدم واقي شمس بيكون كلامنا ثابت بغض النظر عن درجة الحماية كام أو المدة كام وبعيدا عن الحسابات
يعني كدا كدا بنقوله تحطه كل ساعتين أو 3 ساعات طوال فترة التعرض للشمس
وخصوصا لو فيه عرق او سباحة او مسحتي الكريم بمنديل يبقى لازم يتكرر يتحط
كمان نقطة مهمه وهي:
إن جونا وشمسنا حامية ومحتاجة درجة حماية عالية لأنها ممكن تسبب حروق شمس أو احمرار بالبشرة فبالتالي درجة الحماية الأعلى من 30 مفضلة في جونا يعني 30 أو أكثر
ممكن درجة حماية 30 تستخدم بالشتاء شمس الشتاء هادية
أما شمس الصيف وإن كان الفرق بين درجة حماية 30 و50 و100 بسيط جدا جدا إلا إنه مهم في شمس الصيف ببلادنا العربية
درجة الحماية 30 تعتبر كويسة جدا وبتحمي من 97% من اشعة الشمس
وأكتر من 30 بيعتبر تأثيرها أفضل لكن بنسبة ضئيلة
لكن بيكون مهم جدا درجة حماية 50 او 80 او 100 مثلا لو الشمس حامية زي في المصايف
أو زي شمس الصيف في الخليج
علشان الكريم يكون قادر إنه يحمي من حروق الشمس أو الاحمرار الناتج من الشمس
*
*
يـتـبــــع
*
*
فيه أنواع كتير للكريمات الواقية وكل بشرة بترتاح لنوع معين يعني التجربة خير برهان في الحالات دي لكن يجب مراعاة التالي:
**
أهم شئ يكون ماركة كويسة
ودرجة حماية عالية فوق 30
يكون ضد الماء أو مقاوم للماء
البشرة الدهنية تستخدم واقي الشمس على شكل لوشن
البشرة الجافة تستخدم واقي شمس على شكل كريم
**
أمثلــــة:
= أفضل نوع واللي دايما بنصح بيه شخصيا هو
UVE Block 50 plus أو 80 لوشن
يو في بلوك 50 بلس أو 80 من شركة إيزيس فارما (isis pharma)
لو لقيتوه متوفر يبقى ممتاز جدا جدا
فيه منه نوعين نوع شفاف أبيض ونوع مصبوغ زي كريم الأساس
= واقي شمس من شركة أفين Avene ودا مناسب لبشرة الدهنية
= من شركة سيباميد مناسب للبشرة الحساسة
= من شركة يورياج
= من شركة فيتشي
= من شركة نيتروجينا
((بس لابد من تجربته قبل الإستخدام لأن لاحظت كتير اشتكوا من حساسية منه سواء النوع دا أو ألتراشير))
= ودا فوتوديرم 100 من شركة بيوديرما (( أنا مش بنصح بيه مريضاتي لأنه بالتجربة لم يوفر حماية كافية من أشعة الشمس))
= من شركة روك
= من شركة نيفيا ميزته إنه لوشن خفيف
الجزء الثاني من الموضوع انواع على شكل بخاخ ( اضغطي على الرقم )
#26
طيــر الحــرم..,,