كيفيت التخلص من المقارنات بين الازواج

ولي تقول مو لازم الهديه والسفر اهم شي الاحترام صح لكن حلو التفاهم اختي من هي عروسه يبغي يمشيها علي كيفه والله ماشاء الله اخويه ما يجبرها علي شي ما تغبي بتفاهم حتي زوج بنت خالتي بتفاهم حلو التفاهم علشان كذا كتبت الموضوع كيف تتخلصين من المقارنات وتحسين نفسك اسعد وحده ما تقولين والله يحبها وانا ما يحبني كثير ومن كلام الحريم هذي وارحع واقول لا احد يدعي المثاليه هذي موجوده في الحرمه الغيره علشان كذا كتبت هذي الموضوع كيف تتخلصين من المقارنات وتشوفين الي قدامك زوجك احسن زوج في الدنيا

والله يا قلبي ماراح أدعي المثااااليه
بس من جد إلي تعووووووود قلت تعوووود نفسها على القناااااااااعه وترضى بنصيبها
وتحاول إنها ماتعطي إهتمام للأخرين وتعاملاتهم مع بعض صدددقيني بترتاااااااح
عن نفسي أفتقد بعض الأمور بحياتي وأشوف أخوي وومعاملته لزوجته بس للأمانه
هالشي ما أثر علي لإني أحاول أقنع نفسي إنه ممكن هم يملكون هالشي
أو يتعاملون بهالشي بس يفتقدون لشي موجود عندي مو موجود عندهم
وبكذااااا بهالتفكيررررررر يخفف الإنسان على نفسه ودائما حاولي تركزين
على الإيجابيات إلي تملكينها
أعرف كم حرمه يملكن كل شي نفسك فيه بسسسسس يفتقدن للقناااااعه
دايم عينها على غيرهااااا دايم تضيق فيها الدنيا إذا شافت أي سلوك حلو
صدر من الأخرين قدامها وهذي تمرض نفسها !!!!!!!!!
وترى كثر السفر وطاعة الزوج لزوجته ومايرد لها طلب مو معناااااته إنه الوحده عايشه
بقمة السعاده يا ما ناس تهاوشو بسفرياتهم بينهم النون ومايعلمون ببيوتهم
أنتي وأنا وهي مالنا غيرررررر الظااااااااهر !!!!!
أعرف وحده عز المعرفه بينها وبين زوجها مشاكل ماتخلص ودايم متلاعنين
بس تحذرررره قدام الناس يمدحها ويطيرها للسما !!!!!!
وهذا ما يعني إنه مافيه ناس مبسوطه بحياتها ومرتاحه ويبان عليهم بس عشااااان
ما تنقهرين وتحسين بالنقص دااااايم ركزي بالإيجابيات بحياتك مع الوقت بتشوفين
شغلات كانت تقهرك وتتمنيناها صارت ماتحرك فيك شعرررررررره بس يحتاج لها
تعوووود والله يسعد الجميع

يووه تحصل كثير و بسببها صااارت مشاااااااكل و خربت بيوت كمان. لكن رأيي الوحدة ترضى بنصيبها و تنظر للي أسوأ منها مثل اللي يمد يده أو يشرب أو يخون يمكن تكون أسباب تخليها تقتنع بزوجها و الله يرزق الجميع القناعة

القناعة اللي تكووون من داخل القلب

بس لاننكر ان المقارنا احسها لازم في المرأة ويتفاوتون

المهم انا لو قارنت زوجي بأحد ع طول اهاوش نفسي اقول احمد ربك واقعد اشوف ايجابياته والاشياء الحلوة اللي فيه

والحمد لله ربي اعطاني القناعة احسني راضية عن حياتي وعن زوجي حتى لو اشوف اللي احسن منه

ولاتنسوون تبغون ماتقارنين باللي عايشات احسن منك بس تذكري سوريا وكيف هما عايشين وانتي كيف عايشة بالأمن والأمان اعيالك جنبك اهلك تشوفينهم
تنامين وتقومين وانتي مرتاحة
المكيف والاكل والراحة متوفرة
ماتسمعين كل شوي صوت صاروخ او قذيفة


صدقيني بتقولين الحمد لله هذي اكبر نعمه

ماراح أدعي المثالية صح فيه اشياء نتمناها
لكن لازم تعرفين أن الناس يختلفون في تفكيرهم وطريقة تعبيرهم
وتعرفين أن المقارنة تخليك تعيشين في عذاب
نعم تحاولين تعدلين في حياتك وأسلوبك عشان اللي قدامك يتعدل
أما كل ماطق عود حصاة أقول شوف فلان وعلتان صعب
خاصة إذا الزوج مو مقتدر وتجي الزوجة تقارنه بغيره بأي شيئ حتى لو غير الماديات
حتى لو أسلوب التعامل يخلي الزوج يظن زوجته مو مقتنعة فيه ولا معبي عينها
أعتقد الزوجة والأم والأخت والبنت الذكية تقدر تخلي اللي قدامها يتغير ويصير حسب ما تبغي بطريقتها وذكائها من غير مقارنات
هناك أسلوب التشجيع والمدح للأشياء البسيطة تخليه يسعى للأفضل سواء كان زوج أو أب أو أخ أو إبن
بس أهم شيئ لاتمدحينهم في شي غلط أو يكلف عليهم ويرهقهم عشان مايضيعون وأصلا الرجل الفاهم
ماراح يتستجيب إلا للأمور الصح فقط