كيفيه التعامل مع الزوج ال..........

لا تشيلين هم يا وخيتي ولا تكدرين على نفسج وكل شيء وله حل :::

شوفي يا الغاليه أغلب الرجال لو شاورتيهم لازم يبين رجولته بالممانعه وبعدين بيرضخ بمعني بيراوينا إنه حمش وسي السيد بالبيت لكن ولا يهمك وعندي لك الحل وأتمني يلين له راسه


لو بغيتي شيء مثلا عندك سهره آو تبين أمر من الأمور حاولي تطبخينها على نار هااااااااديه جدا جدا فمثلا قبلها بأسبوع أو أشهر إن كان الأمر مصيري تدئين بالكلام المعسول وتصيرين خوووووووش مره ( امرأه ) كل شيء بالبيت يكون عال العال ولا تزعلين منه لو زعلك وبيني له إن بإمكانك الزعل لكن إنت غالي وإنت وإنت :55: شغل قرصنه

وعطيه الأمر من بعيد لبعيد مثلا تضربين له مثال وتشوفين نبضه من هالموضوع هل بيتجاوب لو بالكلام أو بيصدها وشوي شوي ليما تحققين اللي تبينه :30:

أو حل ثاني وبصراحه كانت نصيحة اخوي الكبير لي في حياتي الزوجيه طبعا أهو أكبر مني ب18 سنه تقريبا وعطاني هالحكمه ... :42:
: كثر الدق يفك الحديد ... يعني حنى وحنى وحنى عليه ليما يمل ويقول سوي اللي تبينه بس فكيني واللي يرحم والديك

وإذا حقق مناك ... قولي الحمد لله
وسلامتك

لا تتعاملين معاه بالعناد فهميه ان الشور شوره والكلمة كلمته وانج ماراح تشكين خيط بابره الا بموافقته بعدين طلبي منه اللي تبينه لو قال لأ خليه على راحته لا تناقشين لكن استمري على هالطريقة سأليه مرة ومرتين وثلاث لا تقولين تعبت او ماراح يوافق مرده بيوافق وبيخف عناده لأنه بيشوف انه قاعد يعاند روحه وانج مستسلمة ومو طرف بالعناد .....

السلام عليكم

وشكرا على من ردت علي ...

ابي تشورون علي يا الطيبات في مثل هالموقف

خادمتي حدها تعبانه ( مو زينه ) لا تفهمونها مريضه لكن غبيه وما تسوي شيء الا بقول وووو.... ما راح اخلص وانا
عندي بنت عمرها سنه والحين انا

قولو ما شاء الله




حا مل وثقيله واداوم وهي ما تقدر على اثنين وشغل البيت وانا باختصار

ماااااااا ابيها لا تقولون ليه

قالت له امي اذا ما تبي تسفرها انا اطلب خادمه واخذوها وامي تاخذ خادمتي لان امي ما تبي خادمه كانله تبي نص وهذه تصلح لها

زبد وارعد وقال لا مستحيل انا اهني قلت

كلمتك بالطيب وبالحنه والدلع وحطيت كل الحلول الوسط وما نفع عاد لازم يكون لي موقف

قلت : يا انا يا هي

تخيلو قال هي وما راح اسفرها

قلت لا تسفرها ودها لامي قال ما تطلع من البيت ( وهي تحن تبي تسافر لاهلها) وهو معجعج فيها حتى انها لمت ملابسها وطلعت بس خافت

صراحه زعلت : رخص فيني وغلى فيها

صرت انام انا مع بنتي بدار وهو بدار وهذا زعله وااااااااااااااااااااااااااااااااااايد شلون تخليني :(

المهم
القصه طويله

وهذا المختصر

شرايكم ما العمل؟؟؟

عزيزتي ام هيونة الله يخليلج هيونة ويثبتلج حملج ويرزقج بالذرية الصالحة انشالله ...

يالغالية حسسيه ان الكلمة كلمته لا تعاندين ... انتي غلطتي لما حطيتي نفسج في هالموقف وخيرتيه بينج وبينها ... اهوه ما اختارها اهيه ورخص فيج لأ .. اهوه اختار يمشي كلمته عليج بس وهذا طبيعي كل ريال ممكن يتصرف نفس التصرف ... لأنه لو قال اوكي امشيها علشانج بيعتبر انج مشيتي كلمتج عليه ... ومثل ما قلنا اهوه عنيد وماينفع معاه جذي .... والغلطة الثانية انج اصريتي على الموضوع .... وهالاسلوب ماينفع مع اغلب الرياييل وخاصة اللي طبعهم العناد ....

كبري عقلج انتي وتصرفي بحكمة اكثر .... المرة بطبعها ممكن تفكر وتتصرف مو مثل الريال يتصرف على سجيته .... انتي موقفج اقوى .... طبعا الحين الموضوع انتهى وهو قال كلمته خلي هالسالفة على صوب .... روحي كلميه وقوليله انا ما اقصد اعاندك والكلمة كلمتك واذا تبيها تقعد اوكي تقعد بس انت ما تزعل روحك وانا ما اخلي سالفة تافهة جذي تهدم اللي بيني وبينك او تزعلك مني .... بنفس الوقت فكريلج بطريقة ثانية تمشينها فيها ...

خلي كلامه يمشي الحين وطوفي السالفة على خير ... بعد فترة السالفة بتفقد اهميتها عنده لأن موقف العناد انتهى وانتي مستسلمة لرايه .... ممكن ترجعين تفتحين معاه الموضوع بعد فتره ... ولا تعاندين او تشدين معاه .... مثل ما قلت لج فهميه ان الشور شوره والكلمة كلمته واي شي يقوله قوليله حاضر وكلمتك اهيه اللي ماشية .... ونطريلج فترة ورجعي فتحي الموضوع .... طبعا تكونين ملمحتله كذا مره ان الخدامة ما تصلح .... لكن بمجرد انج تكلمينه ويرفض تقفلين عالموضوع على طوووووول لأنج لو اصريتي بتكبرين السالفة وتكونين انتي الخسرانة ..... دامج عارفة طبع ريلج بيدج تملكينه .... وطبع العناد سهل التعامل معاه

وصدقيني عن تجربة الوالد مثل طبع زوجج ويمكن اكثر ومن صغرنا تعلمنا شلون نتعامل معاه وناخذ اللي نبيه وهو راضي ويضحك ..... اهم شي ما اوصيج .... الا العناد لا تقابلين عناده بعناد اقوى ... الريال ما يحب يحس انه مهزوم .... خليه يحس انه بكل الحالات اهوه الفايز وبنفس الوقت تسوين اللي تبينه ... كل المطلوب شوية ذكاء وتملكين اعصابج ....... وانشالله بيرضى ويرضخ للأمر الواقع ....و يالله ورينا كيد الحريم :) والله يوفقج انشالله ويهدي زوجج ....

السلام عليكم

مشكووووووووووووووووره يا الغاليه
لكن يا الله شوري علي بفكره وشلون تاخذين اللي تبين وهو يضحك ؟؟؟

صراحه ما اعرف انا سيدا ....................> dirsct وادري هذا ما يصلح مع العنيد :(

وهل تقصدين اعتذر ؟؟!

هو الحين مطوف الموضوع ولا كنه شيء صار ويقول انتي ليش زعلانه !

والله احترت مع هالريال الله يهديه ادعو لي