كيف - عالم حواء

نسيم الجنوب • 25 سنة

اهلين حبيباتي .. مشكلنكم ايضا كانت عندي .. بنوتتي الوحيدة عمرها الان اربع سنوات وفي السابق كانت البكلة اعدى اعداءها .. يعني البكلة اذا طولت في شعرها يكون لها عشر دقائق ..بالكثير .. فكنت اذا بنروح عند ناس امشطها في السيارة وتقعد تصيح وتبكي ونصير فرجة في السيارة .. وابوها يهاوش .. خليها .. وجعتيها ( ما يبيها تصيح ) وندخل عند الناس .. يا دوبك يشوفون لون البكلة واحيانا ما يشوفونها .. وازيدكم من الشعر بيت تضيعها عند الناس .. واحراج عاد اقول دوروا لي بكلة البنت .. لانهم اصلا يكونو مو دارين وش شكلها البكلة ما مداهم ‍‍‍‍!!! وبعدين الحمدلله مرة ورا مرة اشوى كانها تعودت صارت البكلة تطول شوي .. حتى صارت تفكها بالبيت تكون ناسيتها ..علما بانه شعرها خفيييييف .. يعني بنظري المسالة مسالة تعود ووقت .. طولت عليكم معليش ..ماعرف اختصر ..تحياتي .

فيافي نجد • 25 سنة

عزيزتى ام سلطان هلا بك ومنوره مشكوره على مساعدتك والصراحه فكرت بالقص بس المشكله مايطاوعنى قلبي علىالقص بعد ماطال ،لكن ان ظلت علىعنادها راح يكون هذا مصيرها القص. الله يعيننا وياك.
 غاليتى نسومه والله فطستينى ضحك وكأنك تتكلمين عن حالتى لكن .تصدقين صار عندي امل بعد كلامك انها راح تستلم وفعلا التعويد احسن طريقه شكرا ياغاليه على تنوريك موضوعى

ياسمين • 25 سنة

الأخت فيافي نجد ما فيه إلا حل وااااحد :) دوري لها بنت تحتر منها وتغار منها وقولي لها إذا تفهم الكلام أنك راح تعطين البكلة حق فلانه راح تغار وهي تطلب منك تحطين لها البكلة من الغيرة :) أو جيبي عروسة كبيرة وسرحي شعرها قدام بنتك وحطي لها البكلة
يمكن تغار أو تقلد :)

:):):)

albanderi • 25 سنة

انا لما قرأت المشكلة حبيت اساعدكم
لانها مرت علي اختي
لما كانت بنتها صغيرة كانت ما ترضي تحط اي شئ علي شعرها والبنت كملت 3 سنوات ومازالت عنيدة
اختي شنو سوت معاها

كانت لما يبيون يطلعون تقولها احنا بنطلع واللي بيحط الشباصه علي شعره يطلع معانا بشرط ما ينزعها من شعره
طبعا البنت كانت تحطها لمده 10 دقائق وتشيلها من شعرها قامت اختي تقعدها في البيت عقاب لها
ومر عن مره الكل يطلع وهي في البيت
قامت البنت من نفسها تجيب الشباصه لامها وتقول لها حطيها لي
لانها ما تبي تقعد في البيت بروحا مع الخدامة واخونها كلهم طالعين
الحين البنت عمرها 7 سنوات وما ترضي تطلع الا علي شعرها شباصه او تاج.

وان شاء الله تنجح الطريقة مع بناتكم

فيافي نجد • 25 سنة

ياسمين مشكوره على الحل بس مشكلة بنتى صغيره ماتعرف تغار ولا حولها بنات في سنها لكن بااجرب العروسه كااختبار000:)
عزيزتى البندرى اشكرك على مشاركتك مشكلتنا بس والله مايطاوعنى قلبى اسوى كذا ببنتى خاصه انها صغيره 2 سنه بس والله ماتدرى وش السالفه لو اقعدها 20 مره 00
:)
:)جزاكم الله خير وممتنه لكم ياغالين على مساعدتى0:)