السلام عليكم ورحمة الله وبركاته
أخواتي في الله
حابة أستشيركم بمشكلتي
أنا ساكنة ببيت ملك والحمد لله
ممكن لي 5 سنوات
ومعاي بنفس العمارة أهل زوجي
الباب ع الباب
ودايم باب عمتي مفتوح بحكم حرتهم ما شاء الله
وأنا أقفل بابي بس عندي أطفالي الله يحفظهم رايحين جايين
إلى هنا الوضع عادي
بس أللي أعاني منه
دخول الناس علي بدون إستأذان
يعني خلاص الباب مفتوح
ما أحد يدق الباب بس هجوم
قلت ممكن فترة وتعدي
مازالت المشكلة
أحيان أكون بآخر الشقة بغرفتي مدري ألا أحد عندي
مرة أنحرج
والمشكلة ماوصلت هنا
صار حتى الضيوف من برى نفس الحالة
مثلاً إذا أحد زار عمتي
وحب يمر يسلم علي
أتفاجأ يدخلون بدون ما أقول تفضل
والله مرة تعقدت
مدري حظي كذا
يعني والله مو شخص معين الكل معاي كذا
وأحيان بس يدقو الباب ويقفو في المدخل جوى
وأنا شقتي كاشفة لو كنت بالصالة
وبروح غرفتي أبدل ملابسي مايمدي إلا أكون بوجة الضيف
بصراحة ماصرت ارتاح ببيتي
دايم عباتي علي
أو أجهزها قريب
صار بس أسمع دق الباب أركض بدون وعي لغرفتي حتى ما أحرج نفسي
والله قبل كم يوم جاتني حالة إكتأب
وفكرت بحل
أني ألصق ع الباب آداب الأستأذان
أيش رايكم حل مناسب ؟
أنا ما أحب أجرح مشاعر أحد
خصوصاً الناس تفهم غلط
آخاف يعتبروها طردة
أنتظر ردودكم
ومشورتكم