كيف أبر بأم زوجي

السلام عليكم اخباركم بنات ان شاء الله بخير وصحةالموضوع كيف ابر بأم زوجي..
وش الأشياء الي اسويها تسعدها ويعتبر بر فيها انا احبها واحترمها .. ودي ابر فيها..
اول شي انا ساكنه فوقهم بشقه .. ماشوف عمتي الا بالاسبوع مره او بالاسبوعين مره.. ع حسب مرات انزل عندها انا واخذ حلاي معي وماطول اجلس ساعه انا وعيالي واصعد لبيتي لان ماابي اتعبها هي كبيره بالسن وماابي عيالي يزعجونها..
او تشيل همي بعشا .. طبعا هذي بس نزلاتي لها انا وعيالي وعشان كذا مابي ازعجها.. اما اذا اجتمعنا مع خوات زوجي وسلفتي لا يختلف الوضع اطول عندهم .. لكن لاني لحالي احب يكون مساري خفيف عليها..
ولان عندها عيال شباب بالبيت فمااقدر اخذ راحتي وانزل لها دايما.. وعندها شغاله.. فمني عارفه شلون ابر فيها او وش اسوي احب اخدمها مره بس هي تستحي مني
و اذا عزمتهم عندي اصلح حلاي وقهوتي و سوالفي معهم ضحك ووناسه يعني باحترام و مستحيييل اتدخل بشي مايخصني..
وحتى وهم يسولفون قدامي اذا موضوع يخصهم تلقوني ساكته كاني مااسمع ولا اسال او اتدخل بشيء.. ماشاءالله تبارك الله وماعمر صارت بينا مشاكل.. زوجي يسافر فيها يوديها يجيبها انبسط مره انو يبر فيها اذا عندي مشوار وهي تسال زوجي اذا عنده شي لانها بتروح مكان اكنسل روحتي واجلس وانا مبسوطه ان زوجي وداها احب اخدمها لكن استحي وماعرف شلون ..
دايم افكر و اقول ودي اذا كبرت عيالي يبرون فيني ولهالسبب دايم اساعد زوجي يبر فيها كل شي اشجعه مثلا يفرش لها.. يوديها سوبر ماركه اي مكان احس انبسط لما يقول بودي امي تبغى تتقضى او اي شي.. الله يطول عمرها ويعطيها الصحه والعافيه ولاني عارفه زوووجي يحبها مررره وعنده تسوى الدنيا ومافيها الله يحفظها خصوصا انهم ايتام وهي إلى صبرت عليهم وربتهم فعيالها مره يحبونها.. الله يطول عمرها يارب..اعطوني تجاربكم كيف ابر فيها بنظركم وش اسوي يمكن في اشياء غايبه عن بالي..