كيف أتخلص من الناس اللي كذا

بنات ابي حل تكفون
أنا كل من شكيت له ينصدم يقول انتي هالناس
اللي يقربون لك من وش مخلوقين مايحسون
بنات أنا عندي بنات عم تعرفون ايام الطفوله
قلوب نظيفه كانت حياتنا كلها مع بعض
ننام عند بعض
بعد سنوات كبرنا وتخرجنا وهم بقولكم مثال واحد
يوضح قد ايش هم نشبه
جانا كلام كثير كثير يتكلمون فينا وطنشنا
تخيلو مثلا طلعت طلعه لحال مع خواتي
يزعلون ليش ماقلتو لنا نطلع معكم ؟؟
طيب أنا ابي اطلع لحالي مع خواتي !!
مثلا سافرنا يزعلون ليش ماقلتو لنا نروح معكم !!
اذا سافرنا ولا قلنا لهم يصيرون مركزين بنا
وبسفرتنل من كثر التعلق اللي عجزت افكهاحس حياتي واقفه بسببهم
لين هنا اتركو كل شي يرمون كلام
يجرحون أنا وحده مسالمه ولساني مو طويل
ماحب ولا اعرف ارمي كلام
وهالحركات لكن هم يرمون الكلام وبكل وقاحه
ترسل تمريننا نطلع نتقهوى ؟؟
طبعا حاطيني سواقه !!!!!!!
صرت اصرف لي سنين او اكثر وللحين
ماملو ولا كلو وكل شوي هم ٥ بنات
كل شوي وحده داخله علي انتم وش بكم
وش مغيركم
انتم بكم اكتئاب ماتبون تطلعون
انتم وراكم كذا
يع وش فيكم وش جايكم
يعني مو معقول مو حاسين أننا مانبيهم
ونبي العلاقه رسميه لكن مايبون يستوعبون
اللي سمعت وعرفت ان حتى صديقاتهم تاركينهم
ومتداولين معهم ولا عندهم احد ابد ابد إلا احنا
ظيب كيف افتك منهم ابي العلاقه رسميه بالمناسبات بالطلعات بس هم مايحسون ولا يبون احس كرامتهم صفر أنا لو احد يصرفني افهم وخلاص هم كل شوي متخيلين كل يومين داخله علي وحده من بناتهم وتجلس تزن وتنكد علير