كيف أتخلص من شعور الغيره

بنات الكل يدري ان الغيره بكل أنسان موجوده
لكن انا فيني غيره من اختي الاصغر اقسم بالله
احبها وأموت فيها واقطع نفسي لها واللي بيدي
مو لي اعطيها لو تطلب ايش لكن فيني غيره
وازعل لما اشوف امي تفرق بيننا
بتعامل بهدايا
ب كل شي وحتى امي كم مره تلاحظ
انا للأسف جيت البكر ولا عرفت دلع ولا حب ولا شي
اختي بعدي ب ٩ سنين جت وابوي وامي من شده
حبهم لها شوي ويطيرون فيها من لما كانت طفله
كبرت وصارت كل طلباتها مجابه
يعني متخيلين تجي امي تنفس علي
بدون سبب اكتشف انها زعلانه
عشان اختي تبي شي ولا تقدر تسويه لها
مثال دايم كل ماجاء وقت المغرب امي تجلس
تقولي وش بتتعشون وش بتسون احيانا اسوي
اي شي بالبيت زي برقر مكرونه اي شي سريع
لي ولامي ولإخواني فجاه احصل امي
طالبه لها من مطعم لحالهم
اسالكم بالله مو شي يزعل ؟؟
او مثلا تصير هي مشتهيه كوفي
تروح امي تطلب لها حلى وكوفي وانا ماكاني
بنت موجوده بالبيت !!
ولو مره جابت لي معها لاني طلبت قلت مثلا
ابوي كوفي مع فلانه
تنفس علي ليش اطلب !!
لدرجه احيانا يصير بنفسي المطعم او الكوفي
لكن اقول لا مابي لان عارفه بتنفسً وتقلب علي
ويوضح ع وجهي اني زعلت لما اشوف اختي
تجلس تصور. وتتقهوى وتجلس امي تقول اعوذو بالله يالغيره!!
اقسم بالله الخالق شعور ماتمنى اي بنت حتى لو
عدوتي تجرب هالتفرقه احس بضيقه ولا ارتاح
لما ابكيييييييييي لحالي وتطلع كل اللي بقلبي
بالنهايه اجلس اسب نفسي ليش سويت كذا
ليش اغار من اختي
ليش زعلت امي بسبب اني زعلت انهم ماجابو لي
وانددددددم والله اني احب اختي اكثر من نفسي
بس زي ماقلت لكم
شعور التفرقه خاصه انك بنتين بس كبار والثانيه
لسى صغيره يعني امي ماعنذه كبار الا انا ٢٩
وأختي ٢١ يس والثانيه بزر ماتدري عن شي
بالابتدائي
لكن كل الحب والدلع حتى ابوي يعامل اختي
الوسطيه بدلع اكثر من حتى اختي القعده
انا احبها ودايم اجمع كنت من مكافأتي واشتري لها شي
او اذا صار معي فلوس اشتري كوفي او وجبات
لنا كلنا لكن اللي يقهر اسلوب امي
التفرررررررررررررررقه بالتعامل بس
هذا اللي قاهرني
ومثلًا قلت ايه ابي مطعم مع فلانه
تطلب لي امي وهي منفسه مجبوره لاني قلت ابي
لما تجي الفاتوره تطلع كل حرتها فيني
من وين فلوس دايم مطاعم كل يوم تحسبون
فيه فلوس شوفو الناس مايعرفون المطاعم
هذا بس اذا طلبت انا شي لو ب٢٠ ريال
تصير تدهر بالحساب
وهواش
لكن اختي اقسم بالله لو ماطلب معها لو كل
يوم تطلب ماتقوله من وين فلوس
ولا نقولها اي شي مدري ليش بس علي !!
دايم اقول بنفسي طنشي
مهما يجيبون
مهما يسون طنشي
لكن اعجز يوضح بوجهي ويوضح بصوتي
امي تعرف على طول اني منفسه وتفهم
انه عشان جبتو لها وانا حتى ماسااتوني لكن مايهمها
امي تبيني عديمة احساس مابي اجيب لك
مع كل هذا لاتنفسين عندي
لان لو تكلمت وقلت لها انتي تفرقين
تجلس تصيح وتقول انا موب فاضيه لك
انا مضغوطه من كل جهه وأنتي بس تغارين وكلام كثير
انا وذي اتخلص
من الشعور الغيره ان ليش هم يجيبون
لفلانه وانا لا لو اتخلص من هالشعور بتصير كل حياتي
بخير
مشكلتي اذا غرت انفس ويجي شي ثقيل على صدري
وصوتي يصير مخنوق يعين لو احد يهرج علي
ممكن ابكي وامي لما تشوفني كذا تتضايق !!
وتصيح احيانا زي ماقلت لكم تبيني ماحس
وانا ابي اصير كذا
وشلون اكون عديمة احساس ؟