كيف أتزهـب ، ساعدوني يابنات

الله يتمم لك على خير

اختي انا مو من الامارات ان شاء الله الأمارانتيات يساعدونج

تحياتي .

الف الف مبروك اختي

الله يسعدج ويوفقج



اختي اقول بما ان عرسج في 1 عندج تقريبا 5 شهور او اكثر


اذا خذتي ثياب الحين الكل بيلبسها وانتي بتيودينها لين شهر 1 وبتنزل اشياء لين

ابدي في قمصان النوم- الفود- روب- مفارش (بس لاتكثرين مفارشبيوبولج هدايا يمكن ونفس الشي الفود)

اشتري اكسسوارات الشعر (بما انه تنزيلات) ما تجدم موظته (خذي الالوان الا تلبسينها (وخلي الالوان الثانية لين ما تشترين ثيابج عشان تعرفين الاوان)... مثلا خذي السلفر- الابيض- البيج- الذهبي- وردي اذا تلبسين وردي- ازرق اذا تلبسين ازرق - ملتي كلر يفيد بعد- احمر اذا تلبسين احمر ....

خذي نعول ما يجدمن الاوان الاساسية والوان الا تلبسينها دوم مثلا ابيض-اسود- بيج- ملتي كلر

امممممممم شو بعد

ها الا اذكره اذا ذكرت شي برد اقولج


ونسيت اقول شي (خذي مبلغ صغير من البيزات وتصدقي بهم ) صدقيني الله بيبارك في بيزاتج ولا تنسين الصدقة تربي المال

رجعتلج..

اشتري ملابس داخلية

خذي قطع حق مغربي - كنادير - مخاوير فصلي المغربي من الحين لانه ما يجدم مثل باقي الثياب ولانه ياخذ وقت لين ما يفصلونه

اذا لقيتي بدل كشخة خذيهن استغلي التنزيلات اما البدل العادية لا تستعيلين

خذي ثياب حق البيت

خذي بيجامات قطن او شورتات من الحين

العبي والشيل خليهن عقب


الذهب خليه لين عقب العيد الصغير على الاقل او قبل العيد العود لانه بينج هدايا

الشنط اذا بتاخذين ماركة ممكن تشترين الحين عشان التنزيلات وثانيا الماركة تنلبس مدة اطول عن الشنط الثانية

خذي شباشب البيت (اذا تلبسين في البيت)

العطور والمكياج اخر شي اشتريه


سوري افكاري مب مرتبة بس كل ما اذكر اكتب لج اياه

والله يسعدج


نصيحة لا تكثرين من ثياب الطلعات والكنادير لان الجسم يتغير

الله يسعج يا رب..
بقوولج تجربتيه..أنا..
أنا فصلت..3 فساتين فخمه..2 بسيطات.. بس تصدقين.. ما رمت ألبس منهن إلى 3 البسيطات..واحد من الفخمات..بعد أقلهن فخامه...
نصيحتي..لا تكثرين من فساتين الفخمه..
كثري من التنانير.. والقمصان.. بتستخدمينها واايد.. مثل طلعج عند ريلج.. وحتى قعدج في الغرفه..
خذي بس 2من المفارش الفخمه..أنا أخذها من أبو الهول...في العين..في شارع خليفه واحد والثاني.. عدال السنافر... بس كاسريه.. تره ينزل...مفارشه واايد حلوه..
أشتري.. كريمات.. طعمهن حلو.. قلولي..بتحصلينها .. في محل.. في مجمع الإمارات.. في العين..ورى شارع خليفه.. وعندها بعد لبسات تنكريه يقلوون..أنا بسير أن شاء الله في ها اليومين.. بشوفه..
وبعد عندي موقع..فيه مثل ها الكريمات..وبنات الموقع يبيعنه.. إذا سرتي قسم سيدات الأعمال..بتحصلينهن يعرضنه ويبيعنه..

http://www.desserttreats.com/index2.php

صح وأستغلي التنزيلات
هيه بعد أحس التنانير يوم تفصلينها أحلى من الجهزات..حولي تشوفين كم قصه..وتفصلين عليها.. والقمصان خذيها جاهزه..

هيه صح.. مره شفت بنات..عرضين.. أيشدوات ماك.. بقل عن السوق.. تقريباً في الأربعينات يبيعنه.. قولي 45 46 مثل جذيه والله مش متذكره..ايبنه من المصنع على طوول..

هيه لا كثرين ما المعموول..والعود المعطر.. كثري كميه تكفيج بس الشهر.. تره..كل إلي أنصحج أيها.. كله.. الأشياء إلي مريت فيها..وما حصلت حد ينصحني فيها..كثر واايد من المعموول..والعود المعطر..وطاح في جبدي..ونشف العطر منه.. ومليت بعد منه..كثري من عطورة الفرشات.. هذا بيخلص بسرعه..

أستغلي الحين..التنزيلات فثي نعومي.. بس بعد لا تكثرين من قمصان النوم.. بس تسدج 20 قطعه.. الأنه بعدين أن شاء الله بتحملين ..وبيتغير جسمج..

أهتمي في بشرج.. لا تكثرين لروحت الصالونات.. أشياء وااايد حلوه في البيت..بتخليج..تكوونين أحلى من سيرج الصلون سوي مره ولا مرتين فشن.. بعد قريب من يوم عرسج بس.. بس كثري من الماي..
أستخدمي السمكره الطبيعيه..مثل حطي لوز وشكر.. وخليها مثل السمكره.. على فكره الوز يبيض.. حتى في ويهج حطيه.. حطي روب على ويهج.. ينور...الويه..

هيه وصفار بيضه..وخشوقة عسل كبيره.. وخلطيها مع بعض وحطيها...تبيض..عدل تبيض..

بعد صح لا تكثرين من العبيات.. خلي طقمين وعبه ساده.. 4 شيل.. بعدين بجددين..

أممممممممممم وإذا تذكرت شي ثاني..برد بكتبلج..
والله يسعج يا رب..
ويزع حبج في قلبه..وحبه في قلبج..
ويسعدكم ويهنيكم يا رب..
تحياتي..
أم أحمد