السلام عليكم
يسعد صباحكم بنات
ساعدوني الله يسعدكم لأني حاسه نفسي متضايقة من هالشيء
بنات انا أنسانه حالي حال نفسي اذا احد غلط علي اخذ حقي بأحترام ما أغلط على الشخص الا اذا قلل من احترامي او غلط علي
السالفه ياينات ان خواتي كانو قريبات مني فجأه صاروا يعاملوني بطريقه يشوفوني دائماً اني غلطانه يقولون انتي مشكلجيه وانا العكس حتى لو الحق معاي ينظرون لي بنظره والله غريبه مع ان خواتي قبل ماكانوا معاي كذا
كانت علاقتنا جدا حلوه الحين لا , مايكلموني ابداً مسويات ثقيلات ومانكلمك الا اذا كلمتينا والله تمر أيام مايكلموني واذا أمي سألتهم عني يقولون هي ماتكلمنا وانا العكس هم اللي مايكلموني ويطلعوني الغلطانه
واذا جيت اقعد امي مايقعدون معنا واذا رحت نمت او طلعت مكان يجتمعون معها حسيت انهم يتحاشوني مايبغوني معهم
للعلم انا اصغر منهم وأمر بفترة مراهقه واحس هالشيء أثر فيني , يعني هم كبار المفروض يكونون اكبر من كذا ,
ساعدوني كيف اتعامل معاهم وتصرفاتهم معي كذا !
Edrak @edrak
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
حبيبتي أعجبني كثيير أنك حريصة على علاقتك مع أخواتك بس تمنيتك حطيتي مثال حتى نقدر نحكم أكثر..
على العموم يا Edrak من وجهة نظري ما في أجمل من المصارحة كلميهم قدام أمك أو بينك و بينهم بهدوء واسأليهم وش اللي غيرهم عليك؟
و بالنسبة لكونك اذا قمتي هم يجون ترى والله أحياناً تصير من غير تخطيط فحاولي ياقلبي تحسنين الظن في أخواتك ولا تعطين فرصة للشيطان يدخل بينكم..
و حاولي ما تتحسيسن منهم كثير وتدققين في تصرفاتهم بالنهاية هم خوااااتك ويحبونك ..
بس يمكن هم فهموا كلامك غلط أو قلتي لهم شيء يزعلهم من غير قصد منك لذلك أفضل شيء أنك تواجهينهم بأسلوب طيب مثلك..
و لو سولفتي معهم خلي سوالفك معهم في أشياء يحبونها هم وصدقيني مع الوقت بتلاحظين معاملتهم معك تغيرت إن شاء الله و تصيرون مرررة قراب من بعض..
و دائماً في تعاملاتك تذكري قوله تعالى : (وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
وادعي كثير أن ربي يصلح علاقتك بأخواتك، و احرصي عزيزتي على تطوير مهاراتك الاجتماعية و أنصحك وبشدة تقرئين كتاب استمتع بحياتك للشيخ محمد العريفي..
الله يشرح صدرك و ويسهل أمر دينك ودنياك..آمين