كيف أتصرف معها......مقهورة منها؟

يا بنات أخت زوجي لها متزوجة 8 شهور
المهم أنا وزوجي ساكنين بمدينة بعيدة يعني ما نشوف أهلنا يمكن بالسنة مرتين بحكم عمل زوجي

المهم أخته هذي فيها طبع كنت أكرهه انها تبي تعرفش كل شي وصارلي معها أكثر من موقف ضايقني
موقف منهم طلبت جوالي تبي تشوف الصور حق الأطفال وعطيتها وأحسها ما تشوفهم شكيت وتركتها ورجعت لقيتها جالسة تقرأ بالرسائل حقتي عالجوال وانا تضايقت بس ما قلت شي
هي طبعا دايما تفتش وراي تحب تعرف كل شي عنا
آخر مرة نزلت كانت بتتزوج المهم زوج دايما يعلق في رقبته شنطة صغيرة يحط فيها أوراقه المهمة وقت السفر
طبعا أنا مستحيل أفتش في أغراض زوجي أو البوك حقه أبد ما أسويها
يوم وصلنا بيت خالتي كان الكل جالس اخوانه وحريمهم وحمواتي وجلسنا كلنا
أنا يوم جلست كانت شنطة زوجي يمي ما أشوفها الا تشيلها وتجلس مكان الشنطة وتمسك الشنطة وتطلع كل اللي فيها وتجلس تفتح ورقة ورقة واللي تشوفه ترجعه
أنا هنا خلاص ولعت يعني من جد ما تستحي
قمت سحبت الشنطة ومدري كيف جاتني القوة وقلت لها عيب تفتشي في أغراض الناس قالت لا يا حبيبتي هذا أخوي بس تضايقت مني وزعلت لأني أول مرة أكلمها بأسلوب قوي شوي مع اني ما جرحتها
المهم رحت وراضيتها
الشي الثاني انها بعد ما تزوجت ولا تسأل ولا شي الا يوم تعرف زوجي بيسافر اوروبا لان زوجي سفره كثير بحكم عمله
ولا تسأل أبدا لكن يوم تسمع انه بيسافر تكلمه قبل بكم يوم وبعدها تكلمه يوم يسافر وتقول له ابي تجيبلي مكياج ماركة ولا ملابس وانا ما اطلب من زوجي
المهم زوجي له 4 شهور ما سافر اوروبا أبدا لأول مرة يطول كذا وهي ولا سألت ولا تكلم الا زوجي بس دايما يكلمهم يسلم عليهم
الحين زوجي بيسافر اوروبا قريب وعرفوا كلهم
لقيتها راسلة لي عالجوال سلام وحشتوني وبعدها بشوي لقيتها داقة على جوال زوجي 4 مرات خلاص عرفت زوجي بسافر أكيد تبي شي وانا مقهورة لان زوجي مو فاهم ولا يحسب ولا يدقق
أنا الحين قاعدة أنتظر وش بتطلب وصراحة ودي أقول لزوجي ما يجيب وش رايكم لان من جد قلة حياء
الأولى يجيب لخواته اللي مو متزوجين لكن هذي وش دخلني فيها
من جد مقهورة مدري وش فيني
الحين اذا كلمت زوجي بتسوي نفسها مشتاقة وودها تسلم وبعد يومين تطلب وش تبي يجيب لها
ايش رايكم كيف أتصرف من جد