كيف أتصرف مع اخت زوجي

السﻻم عليكم

بنات أنا صراحة متضايقة من اخت زوجي صح أنها طيبة و اخﻻق بس مررررة انقهر منها بسبب ولدي عندي ولد الله يحفظة ويخليه عمره 9 شهور بقولكم كذا موقف عشان تفهموني ... مررررة خرجنا مول وجلس ولدي يبكي في العربية قامت طارت فيني وقالت كان خليتيه في البيت أحسن عند الشغالة قصدها شغالتهم وأنا بصراحة ما ابغى ... ابغى اخذ ولدي يشوف الناس يترفه المهم عديتها لها وسكت وبلعتها وقلتلها صح كﻻمك صح المهم خرجنا بعد فترة ثانية مهرجان تسوق واخدت ولدي ونسيت العربية قمت اخدت له عربانه من المركز قام يبكي ويصيح قامت عادت نفس الكﻻم مرررة ثانية وقالت كان خليتيه في البيت مو اقولك لمن يبدأ يمشي خرجيه وكم مرة تعيد نفس الموال في كل مررررة دحين مايصلح وترفع صوتها فيني قمت طنشتها واخدت ولدي ودخلت السوق وهي اخدت عيال أخواتها تلعبهم بعدها خرجنا ورحنا الحمامات ألله يكرمكم وتسب في ولدي وتقوله السوسة وكﻻم كثير يقهر وأنا ساكته ومطنشة بقلبي وقلبي مقهور من جوا يابنات المهم أمس حصل موقف كمان روحنا زرنا وحدة نفاس وجلسنا واقفين عند الباب وقامت ولدي يرفقالت مضايق قامت قالت اقولك رجعيه بس عند الشغالة مو وجه خرجه قمت قلتها والله ماني مرجعته مدري ايشبها يابنات نفسية علىولدي ررغم وربي أن ولدي هادي وحبوب رغم تشوفون عيال اخواتها عفاريت وماتقولهم شي وربي صرت أكره أنبسبب اعندهم بسبب انها تغلط على ولدي صرت أكره اكررره مرررة وربي لو زوجي يخليني أروح لوحدي كل مكان ماكنت انجربت رحت معاها أو مع غيرها ... ليش ... ﻻن زوجي يرفض اخرج مكان خاصة سوق أو زيارة لوحدي ﻻزم تكون هي معاي وفوق هذا محترمتها واكيد بتسالوني ليش ماتردين عليها ما ادري إيش يجيني لمن تخاصم اسكت ولساني يتجمد وﻻ نفسي اسمعها كﻻم ابرد قلبي واخرب عﻻقتي فيها ... مرررة انا انسانة من النوع اللي ما أرضى على ولدي واكيد في كثير مثلي خاصة إذا كانبهذا االسن الصغير جدآ ... المهم كيف أرد عليها لو تمادت زيادة ﻻنها صارت تضااااايقني مرررررة اعطوني حلول كيف أتصرف معاها