كيف أتعامل معاهم

السلام عليكم
عطوني رايكم بزوجي واخته عندي مواقف معاهم احترت كيف أتعامل معاهم احس اني تعبت لاني تربيت عند امي زيارات عصريه وليل بدون مصالح اهل زوجي تعاملاتهم مع المجتمع لمصالح ومنهم زوجي واللي يزورهم بالبيت يحسون يبغى منهم شي او بيستغلهم لشي اول موقف زوجي اول م تزوجته اخلاقه مو كويسه مع ابوي واهلي كلهم بدون سبب كذا يكرهم لدرجة يشوف ابوي قدامه يسوي نفسه م شافه وابوي يصير اخو ابوه يعني عمه فتره وأخذ من ابوي اقساط وتعدلت اخلاقه وصار كل فتره ياخذ من ابوي فلوس ويرجعها وأخلاقه تعدلت كثير مع ابوي حتى من ابوي يجينا تمام معاه يسولف ويضحك ويجيب لابوي عشاء قبل شهر أعطى ابوي آخر اقساط خلصه ابوي اتصل فيني قبل يومين قال بجيك العشاء اسولف عندك معلومه ابوي م يتعشى الليل عشان القولون الله يشفيه ولا قهوه ولا شاهي فقط مويا تمر نعناع اذا موجود يعني ضيف خفيف قلت لكم عشان م تقولون زوجك قصده عشاء وتكاليف..كلمت زوجي قلت ابوي جاي ويبغى الحوش يسولف كلها ساعتين ويروح قال وش يبغى جاي فلوسه وخلصتها ماله شي عندي لأعاد اشوف وجهه..ابوي ترى ما سوى مشاكل معاه ولا شي حتى زوجي كان يتأخر بالفلوس ابوي مطنش.كيف افهم زوجي ان الناس عادي يزورون مو شرط مصالح واستغلال ويشك بكل انسان يدخل بيته ان يبغى منه شي
الموقف الثاني لامي مره كان زوجي موجود ونقص علي غرض ضروري قال كلمي اخوك يجيبه اذا بالسوق كلمت اخوي وامي معاه قالو طيب ودقو الجرس قال جات امك جابت اغراضك قلت ايوه ونزلت اعطيهم الفلوس قال ماجات لله تبغى شي..معقول حياته يجلس كذا اي انسان يسوي له خدمه او يقول له كلمه زينه يخاف منهم والله لو احد يبتسم بوجهه يقول يبغى شي عنده شي مدري هو نفسيه انا صرت اخاف منهم واحس يشكون فيني بذات اخته مره طلبت خدمه من بنتها والليل بنتها عورها ضرسها هاوشتني قالت عطيتي بنتي عين بخيها هاتي سورك للعلم بنتها دايم أمها تقول بنفسها ضرسها هاذا من زمان متعبها انا انفجعت منها صرت اخاف اطلب عيالها شي ويصير لهم شي وتحطه براسي..اهل زوجي كلهم كذا اخوانه اخواته امه ابوه يشكون باللي حولهم م كنت افهم تصرفاتهم الحين صرت اخاف منهم مره اروح لام زوجي تسوي اكل اخاف اكل عندها وتقول جاتني عشان الاكل للعلم قد قالته عن حرمه تجي عند ام زوجها تدور عيشه لها ولعيالها عجزانه تطبخ انا اجي مو وقت وجبات زي قهوه شاهي وتطلع فواكه بس جاني منهم خوف فضيع من كثر شكوكهم بالناس قد مرو عليكم ناس زي كذا؟
امي ربتنا على حب مساعدة الناس واذا احد جأنا ببيتنا نكرمه ونسولف ونضحك والله اخت زوجي م تخلي بناتها يسولفون معانا على الصامت كبار البنات اعمارهم ١٨ و ١٦ لدرجة وحده من بناتها تقول لاختي الصغيره امي جابت لنا النفسيه والاكتياب تمنعنا من كل شي لا تسولفون مع زوجات خوالكم لا تخدمونهم مدري وش الحكمه تمنعهم وانا والله اني اخدم اخت زوجي بنفسي جات عندي مرتين نفاس عندي أقوم بخدمتها من اكل وشرب وتنظيف جلست عندي أسبوعين ومره بالحمام حاطه ديتول حقها استخدمته بالغلط عبالي حقي وهاوشتني ليش تحطين من حقي ولا حطيتها ببالي طنشت م ادقق كثير...
والله حتى كنت اشتري ملابس لعيالها والولد يجلس عندي ب الاسبوع مره البنت قالت بحلس رفضت أمها تخلي الولد عادي بس البنت رفضت مع ان البنت م راح تجلس عندي عند جدتها ام أمها بيتها جنب بيتي بس حسيت خافت تجيني واطلب منها خدمه او تساعدني بالبيت تحت زوجي هاذي كانت تجلس بالشهر عندي هي واطفالها م تشيل لو كاسه تحت رجولها ماتحب تخدم احد أبدا لو شي بمقدرتها ولا كانت تطبخ معاي أبدا تأكل وتغسل ايدها ومرات تطلب أخوها يجيب لها اكل تطلع الحوش تاكله هي وعيالها والله م ظلمتها يابنات ومره يوم جمعه نمت ماسويت غدا كنت تعبانه توقعت قامت سوت غدا لعيالها ع الاقل م سوت طلعت من غرفتي بروح الحمام الا جالسه بالغرفه هي وعيالها يتغدون طالبه غدا لها وجيت قلت تتغدون م كلمتوني قالت قليل مايكفي وقامت تقطع من الدجاجه وتحط بالكيس تقول عيالي م اكلو بخليه لهم بعدين تخيلو خلت الاكل نتفه م يكفي وانا دايم اطبخ لها واسوي قهوه شاهي وارتب وانظف ورى عيالها م قلت شي واوصي زوجي طلباتها لان مرات تستحي تطلب فوط وكذا..