لاتعيريهم اهتمام لانو كثييير من الناس مايمشوا اللي ب التطنيش والتجاهل لمن تبيني انك متضايقه راح يرفعوا العياار حاولي تشغلي نفسك مثلا تقعدي ع جوالك لارحتي عندهم وحاولي تقللي روحات لهم بس بالمناسبات وخليك بكامل اناقتك ورقتك كلمي زوجك مثلا عليهم ولا عاد تشاركين يومياتك مع احد غامض عيشي اللحظه لنفسك وزوجك ولاتلحقي المقفي بالطقاق موشرط يحبوك حاولي تشلي نفسك منهم من البدايه انتي مو ملزمه ب بنات اخوات زوجك وخليك رسميه معهم واذا قعدو يخزوك بنظرات ولا كلام اديهم وحدا وخليك قويه من البدايه عشان لايستضعفونك اقهريهم سوي نفسك مثلا اسحلي فويس ل صحبتك وقولي انك مستائه و زهقانه انك رايحه لهم تكلمي عن زوجك وكيف مدلعك ويشتري لك خلهم ينفجرن ((واضح مقهورات غيرانات معليك منهن))
**رياكشن احلام مقهوررين من الملكه**
والله يعينك عليهم وييسرلك يا حبيبتي💓

أنا يطالعو فكل شيء عندي زي المشافيح يستكثرو علي كل شيء...حتى ينتبهوا لأشياء عادية فيني يشوفوها مهمة زي غيرت عبايتي شنطتي حتى جزمتي ينتبهوا إذا اغيرها لاحول ولاقوة الا بالله ع بالهم يعني اخوهم يعني يكد علي وأنا اصلا اصرف من عند اهلي اخوهم مايعطيني مايكفي الحاجة بس ماودي أقول لهم اعوذ منهم الحاسدات ع كل شيء يناظروني كل شيء يشوفوا عندي زي المشافيح مع ان مانقصهم شيء بس يستكثروا ع غيرهم أي نعمة كذا طمع ان الخير يكون بس لهم.
إذا ماتبغى مشاكل مع اهل الزوج مالها الا التجاهل والصمت وعدم اخبارهم بأي شيء
تعالي شوفي اللي عندي يوم لك يوم عليك يتقلبوا زي الحيات😂💔
وبس يدرو عن شيء بيني وبين اخوهم يخترب يسولفوا عليه لين يغير رأيه حيات وعقارب نعوذ بالله منهم...ويخافوا من الحسد مرة وهم اعوذ بالله حتى على شربة الماي يناظرو الوحدة ويتسبحوا بنفنجالك الناس كله حاسدتهم بس هم لا عيونهم باردة😂💔🥲
اهل الزوج مامنهم سلامة لو لاحظتي فيهم شر لازم تمشي الحال بالمجاملات لأن بعض الناس يحبو القيل والقال وان تصير مشاكل بينك وبين اخوهم وياليت مايعاملك زين وكذا تخرب حياتك هذا المطلوب غييييرة الله يكفينا الشر.
تضيفي خوات زوجك سناب وتبغي السلامة لاحول ولاقوة الا بالله 🌚💔 أنتي ع بالك ديزني لاند لابد يسوو لك حركات تقهر بس طنشيهم للأبد...
أنا مرة زوجي ماشاء الله كان جابب لي ورد وكنت ع نياتي صورته وكان ارسل سناب ماشفت الا يهاوشوني ويختلقوا مشاكل فجأة في المحادثات وحتى لما ازورهم وأنا ماسويت شيء كنت لهم ومن يومها للحين والله ماشفت الورد😿🌚💔💔💔 والحين ابد مالي بالسناب حسبي الله بس على المنافقات الخرابين

بنات اخت زوجك
لاهم اخواتك
ولا هم صحباتك
فهوني على نفسك

لاعاد تروحين جمعاتهم حتى لو عزموك
روحي بيتهم لما تبغين تزورين امهم فقط
وسواء جلسو او لا خلي كلامك مع امهم

ولو فيه جمعات واستراحات
خلي جلستك وكلامك مع اخوات زوجك الكبار
حتى لو جلستهم وكلامهم ممل
استحملي كلها كم ساعة وترجعين بيتك

السناب احذفيها منه
ولو سئلت استهبلي
قولي يووو انتي كمان من اللي انحذفتي
من عندي زي اخواتي وصحباتي
مدري البلى من جوالي او السناب نفسه

ولو طلبت اضافة مره ثانيه
اضيفيها وخصصيها على طول

ريحي راسك
ولا تهتمين لهم

يعع يعع اكره العلاقات المليانه حساسيه كذا
عزيزتي اذا من اولها داخله عليهم تبين تكونين محور كونهم وتاخذين منهم الثقه 100% وتبينهم يكونون معك كتاب مفتوح ويعطونك على جوك او بتزيعلين وتطنقرين والله ماراح تعيشين بسلام وسعاده
ترى انتي مجرد زوجه لاخو امهم اللي مايعرفونك غير من اسابيع او شهور قليله وبإعترافك ماشفتيهم الا مرات تنعد على الاصابع يعني مو مجبورين يعاملونك بميانه
وممكن انتي راسمه تصوارت وخيالات معينه ولما ماجات على هواك زعلتي مع انهم فعلياً ماغلطو عليك غلط صريح كل الحكايه هم يتصرفون معاك بمنطق وعقل لانهم فعلاً مايعرفونك !
وسالفة انك تصورين سناب وتبينهم يصورون لك برضو مو مجبورين يصورون لك وبنفس الوقت ما اجبروك تصورين لهم انتي صورتي برضاك
وترى الصداقه مو بالقوه تجين تحطين في بالك فلانه من الناس وتبينها بالغصب تصادقك وتنفذ لك رغباتك وطموحاتك اللي راسمتها ببالك معليش فكري ان البنت لها عالمها وصداقاتها اللي ترتاح لهم من سنوات !
يعني يا عزيزتي الحياه ما تمشي كذا وانتي لستِ محور لهذا الكون هدي الحماس شوي وخذي نفس عميق
واذا انتي مثل نظام بعض البنات لما تتزوج تسحب على صديقاتها وتدور لها ناس جدد من اهل زوجها تستاهلين اللي يجيك وتحمليه لانك انتي اللي بعتي صديقات عمرك اللي يعرفونك من سنوات طبعاً كلامي مجرد تعليق وليس جزم وتأكيد يعني كلام عام للناس اللي تسوي هذا الشي مو انتي بالتحديد لاني ما اعرفك
الخلاصه اكتفي بصديقاتك اللي كبرتي معاهم وبناتك عائلتك وقريباتك ابرك من الغرباء

طنشيهم ي حلوة
منتي مجبورة تكسبيهم
المراهقات كذا حركاتهم