كيف أتعامل مع زوجة خالي

السلام عليكم ورحمه الله وبركاته ...
أنا عضو جديده فالمنتدى ابي مساعدتكم وخصصوصآ ذوات الرأي الحكيم والسديد😊


المهم بدخل بالسالفه ع طوووول

ابيكم تعطوني طريقه للتعامل مع زوجه اكبر خوالي هي من النوع اللي تحب تسيطر وفيها دايم الصوت العالي بالمجالس اذا اجتمعنا لازم تسوي مشكله البنات دايما يخافون منها عاااااااد هالمره جت علي انا كنا في عزاء احد قرايبنا ومن اول ماجت قمت سلمت عليها قالتلي الله اكبر عليك يفلانه متى بتزوريني اذا صار عندي عزاء بعد ..قلت لها الله المستعان بعيد الشر ي خاله ليييش..وسكتت ..المهم جلست وسالت عن حالها وحال خالي وبناتها مع انو انحرجت قدام الحريم شوي وقامت ترفع صوتها علي وتقول ليش أمك جت عندك وما زارتنا ليه ..طبعا امي جاتني من منطقه بعيده تتعالج وتعبانه ومحد داري عنها حتى خالي قلت ي خاله ماهو المقصد ان تتفسح هنا امي جايه تتعالج عندي وخلصت مواعيدها ورجعت المهم هي تسكت واحس انحررررجت مره مو وقته كلامها هي تحب تتحكم وتفرض شخصيتها وانا ماتعودت اقل ادبي ع اكبر مني بس جدآ تنرفزت من حركاتها ....ومو على هذا وبس ..بما جيت بطلع ودعت الجميع وسلمت عليها وقلت بلغي خالي سلامي والبنات قالت..لا لا بصوت عالي مابوصل له سلامك تعالي انتي وسلمي عليه قلت ..ابشري وابتسمت ..قالت زوجه ولدها تم قصف جبهتك قلت يالله اشوفكم على خير ..ماتصدقون يابنات قد ايش اثر في نفسيتي هالموقف احس كرهتهم من كل قلبي لما رجعت البيت بكيت واجلس استرجع الموقف واقول ياليت رديت عليها رد يبرد القلب ..طولت عليكم ..ابيكم تعطوني حل لمثل هالا شخاص كيف يكون الرد عليهم ويسكتون بدون ماأغلط ﻷن أحس افتقر للرد في نفس الموقف وانحرج ويوضح علي ...ساعدوني ومشكووورين مقدما ..واسفه اذا طولت عليكم .