كيف أتعامل مع ولدي

السلام عليكم ورحمة الله وبركاته

بنات بدخل في الموضوع على طول عندي واحد من عيالي مره هادي وانطوائي وماله في شي

بس هوايته الأجهزة يحبها بكل أشكالها

انا ولدي احسه يحب الناس ووده يصير اجتماعي بس مو عارف ماله في مهارات التعامل هو لسى عمره 9 سنين داخل على 10 بس ودي يصير زي إخوانه هو مره لا يحب يتعلم ولا يحب يذاكر ولا يعرف يتعرف على أصدقاء حتى في المدرسة ماله أصحاب

بنات بما ان الإجازة مطولة احد منكم يعرف مكان يدرب الاطفال على الابداع أو الثقة بالنفس أو يعطي دورات للاطفال

بنات ودي تفيدوني في هالمجال ايش الأشياء اللي تعتقدون أنها ممكن تخلي ولدي ينخرط في المجتمع ، ودي أبدا معاه من الان أبغى دورات نوادي في الرياض تساهم في حل مشكلة ولدي

ومن منكم كان ولدها مثل ولدي وتحسن وضبطت أموره ، احنا للأسف المنطقة اللي احنا فيها ماله قرايب وما يعرف احد ممكن يخالطه دائماً هو دائماً لحاله مع هالاجهزة

وش تقترحون علي أرجوكم أبغاكم تساعدوني دورت كثير في النت مالقيت اي شي مفيد

طبعا احنا عايشين في الرياض