كيف أتكلم مع زوجي ؟؟؟

هلا ابتسامة أمل..

بما أنه زوجج متفهم.. إذا طلب منج تتكلمين وما لقيتي شي تقولينه قوليله انت اسأل وأنا بجاوب... او افتحي موضوع عادي مثلاً أحداث يومج.. أو موقف صارلج.. مثلا إذا قالج "اليوم رحت الدوام وكان عندي شغل واايد وما قدرت اخلص" انتظري لين ما يخلص وقولي.. "الله يعينك أو الله يوفقك.. واسئليه عن شغله.." وإذا قالج موقف مضحك صارله اذكريله موقف مضحك صارلج.. والسوالف تجر بعضها...

واللي تمرين فيه شي طبيعي وبالعكس حلو يحس انج مستحيه وكلامج شويه.. في نفس الوقت هو محتاج يعرف أكثر عنج ويفهمج مثل ما انتي تحبين تعرفين عنه..

أنا الحين مالجه.. وكنت جيه مثلج بالشهور الأولى.. حتى استحي اسأله شو الأكله اللي يحبها أو تاريخ ميلاده.. بس مع الوقت تعودت وصرت أسولف..بس ما أكثر سوالف عشان ما يقول ثرثاره..

ويمكن تكونين ناويه تقولينله شي بس من الحيا تنسين يوم يكلمج.. انا كنت أكتب اسم الموضوع اللي أبا اكلمه فيه على ورقه.. وأخليها قريب مني.. ويوم يتصل أطالع الورقة عسب اتذكر..

والله يهنيج

حبيبتي لا تتعبين نفسك وتغيرين طبعك الان هو يبيك تتكلمين وبكرررررررررررررره واهه من بكره تتكلمين وتتكلمين وهو مايسمع ولايرد
صدقيني اذا زوجك يعني مو ثرثار مره احسن لك خليك على طبيعتك سولفي سوالف عاديه بس لا تكثرين عشان ماتتعودين على السوالف وبعدين ماتلا قين احد يسمعك لانه هو نفسه بيقول اختصري لا تكثرين كلام

وسامحيني والله يوفقك ويسعدك وسامحيني مره ثانيه بس حبيت ارد عليك واطمنك ان هذا مو عيب فيك بالعكس احيانا الصمت حكمه
والسلالالالالالالالالالالالالالالالالام

السلام عليكم ورحمة الله وبركاته أختي إبتسامة أمل نصيحتي لوجه الله.
لاتكثرين كلام معاه وإختصري قدر الإمكان "معنك سبق وقلتي أناماني كثيرة كلام" لأنه من أول مكالمه يبداء يأخذ فكره
عنك عاد ويبداء يرسم في ذهنه شخصيتك,مثلا سألك سوال محرج وإظطريتي تكذبين وإكتشف بعد الزواج عكس ذالك ،
عاد يقعدلك ثلاث سنوات يقولك إنتي كذابه دائماً.
خاصه وإنه من صفاتك الحياء ,إذاقلك سولفي قولي له إنت سولف أحب أسمع صوتك,ولا تزودين لأن الصفه اللي فيك
زينه يحبونها الرجال.
وهذي النصيحه من ضمن الوصايا اللي ودي أقولها لبنتي أبوخمس سنوات حتى ماتوقع في نفس المشكله اللي وقعت فيها أمها"اللي هو أنا"وقد عانيت منها كثيراً.