كيف أجعله مهذبا ...؟

ياااااااااابنات كيف اجعل طفلي مهذب .. لا يخرب ولا يقترب من تحف المنزل .. والله تعبت معاه الله يحفظه عمره عشرة أشهر .. ابعده عن الشيء ودقائق وهوه راجع ليه .. اقول له لا ياماما كذا غلط يطالع فيه ويضحك ويمسك في الشيء بقوه .. أكيييييييييييييييييييييد راح تقولوا ما يفهم .. وانا متاكده انهم يفهموا ما شاء الله عليهم والدليل اذا قلتي لهم تعالوا على طول يجوك .. او زعلتي منهم يعرفوا انك زعلانه .. وكله كووووووووووووووم ولما تقولي بعدوا عن الأشياء كوم ثاني ..

وطبعا لما أكلمه والله ما اعصب ولا ارفع صوتي بالعكس أكلمه بجديه ولكن بهدوء .. واكيد بتقولوا عوضيه بالالعاب .. ما تتصوروا ايش مقدار الألعاب اللي معاه الله يحفظه يلعب فيها شويه ويمل ويرجع على التحف والكتب واي شيء في طريقه :hahaha:

مرة استخدمت معاه طريقه كان لما يجي عند مكتبه التلفزيون مثلا ويمسك فيها اجيه بهدوء اقول له شوف ياماما هذا تلفزيون واكررها عليه وفعلا يبدأ اسم الله عليه يهدأ ويجلس يسمع ايش أقول وبعدين أشر له على الفديو اكلمه اقول له هذا فديو فديو ياماما .. وكمان يسمع لكن ما يمر دقائق الا وكأنه ما سمع اي شيء ويرجع يمسك في الاشياء ..ولا تقولوا ارفعي عنه الاشياء لانه راح يشوفها في بيوت الناس ويكرر نفس الحركات :(

أرجوووووووووووووووكم دكتوره والبنات اللي تعرف طريقه للتعامل معاهم في هذي المرحلة لاتقصر علشان نستفيد كلنا ونربي اولادنا على امور نتشرف فيها قدام الناس .. لاني فعلا فعلا ما أبغاه يمسك في اي شيء قولي قدامك وفي بيتك اكيد بتتحملينه لكن في بيوت الناس أكيد بتتعبين :eek:

على العموم انا في انتظار حلولكم وارائكم .. ودمتم سالمين انتم واحلى كتاكيت مزعجه ..