هلا بالقموره الاموره أم الفزعات الله لايحرمنا من طلتك.........:icon28:


أنا عانيت من بخل زوجي أول ماتزوجت لكن كان باين عليه إنه مو متأصله فيه هذي الصفه....

يعني كنت لما أحتاج فلوس عشان زواج وحده من قريباتي....يعطيني شي مايكفي أبددددد..تقريبا 200ريال

فلما جا زواج أختي قلت له إني أحتاج فلوس لكن أكثر من المبلغ المعتاد اللي تعطينياه....
عصصصصصب وتغيرت ملامحه وقال:أنتم يالحريم ماتقدرون وووووو.............الخ :(

ثم عطاني تقريبا 500 لكن بعد ماكرهني في نفسي وفيه حتى أذكر انه في اليوم اللي عطاني الفلوس كانت جايه أمي تمر علي نروح للسوق..طول ماانا في السياره دمووووع ..أمي حست ان فيني شي..
وجلست تهديني وتقول لي عادي مافي شي يجي بالساهل وزوجك مابعد تعود يصرف على احد..

راح يتعود بس امشي معه من البدايه شوي شوي..

وذاك اليوم نمت عند اهلي قلت له إني تعبانه وماكنت أكذب كانت فعلا رجلي وارمه مع الحمل ومتعبتني..

ورجعت له وكان مشتاق ..يقول غيري ملابسك يالله ليه جالسه كذا......

وأنا مكشره..:mad:

ثم أنطلق لساني............قلت: قلت انه في شي مضايقني....

سبحان الله اللي يضرب ينسى والمضروب ماينسى....تحسب اني نسيت كيف عطيتني الـ 500 ماتسوى علي أطلبك...تبيني أصير اقل من غيري..ويقولون مسكينه زوجها مايصرف عليها ولا يعطيها رغم انه عنده...

شف راح أتناقش وياك ولو اتطاق معك بس ماراح أحتد أخذ من غيرك .

هنا ضحححك. قال ايه تعجبيني تطاق معي ولاتاخذين من غيري..
ثم طلعنا باتفاق انه يعطيني مصروف وانا كيفي اصرفه اجمعه كيفي..

في البدايه قال 400...لكن ألحيت الين زادها .قلت انت ماتعطيني هدايا ولا شي خلاص زدها يصير فيها كل شي صرفياتي هداياك لي بعدين شف كيف الحمل احتاج اوسع ملابسي (اشتري ملابس اوسع)..

وصار يعطيني كل شهر 500..

لكني أحاول اعوده بطرق ثانيه...:2thmup:

زوجي مايحب السوق..فكنت اترجاه يروح معي لويوم واقوله ماراح اطول بس تنوره وبلوزه للجامعه..
يروح معي على اساس انه يخصمه من مصروفي لكن يوم اخترت لي تنوره وبلوزه..وصلت الـ 400 ريال ودفع هو طبعا وحاط في باله انه راح يخصم من مصروف الشهر الجاي..

يوم طلعنا من السوق قال:تراك صرفتي 400..على طول قلت :الله يجزاك خير ولايحرمني منك مو معقوله تحسبها علي وهذي اول مره توديني السوق فيها..أنت كريم وانا استاهل.

وكنت دايم أحكي له عن الناس على بالي فرحانه لهم وأنا ابيه يعرف كيف ازواجهم يصرفون عليهم..

مثلا: ياقلبي يااختي راحت اليوم تتمشى هي وعيالها وضاعت منها سوراه غاليه تو زوجها مهديها لها في العيد مابعد شفناها!!!!

طبعا ماانبه على نقطة هدية زوجها ولا شي. وأسوي نفسي مستاءه عليها بس.

لماكان يعطيني مصروفي كنت أخذ مكافأه من الجامعه 800 ماكنت أجيب طاريها وهو ماكان يسأل عنها بس يلمح ولااعطيه مجال.أغير الموضوع أو أقول ماادري ليه أغراضنا احنا الحريم غاليييه ماعاد تلقى تنوره ساده بأقل من 190 ريال ..

اللي كان يشجعني أحاول فيه وأغير عادة البخل عنده انه ماكان يبخل على نفسه.. :laugh2:
يعني يشتري له جزمه بـ200 وبنطلون بــ200..هذا شي يثبت لي انه مو بخيل لكن يبي يعودني على الإقتصاد..وإذا شفت مشترياته قلت:ألحين انتوا يالرجال أغراضكم بهالسعر أجل احنا الحريم اللي ملابسنا فيها موديلات وحركات ماينلامون لو غلوها ..خخخخخ

احاول احاول والحمدلله..

صار يحس اني محتاجه للفلوس...فكان إذا تيسرت أموره عطاني مصروفي وعليه مثله..

الحمدلله الحين مايعتبر بخيل يعتبر مقتصد....وعاجبني وضعه كذا ماابيه يصير مسرف بس ودي يفك شوي زياده وخلاص..

ولما يفكر يعطي اخوانه ولا شي أشجعه وأساعده بالاختيار..لأنه اولا واخيرا راح أستفيد..

طولت عليك قموره بس حبيت أكتب تجربتي.......

ماصار رد...صار موضوع شكلي بأنزله بموضوع جديد خخخخخ..:unsure:

الله يسخر لنا أزواجنا..


:icon18:

tamo
ألـــــــ مبررررررررروك ـــــــف..
تستاهلين حبيبتي من جد فرحتلك .. وعجبتني شطارتك ولسانك العسل..
الله يهنيكي ويوفقك غاليتي..
:26:
ديمةحب
العفو عزيزتي ..
ودي اشوف همة البنات.. وإن شاء الله نلاقي اللي في خاطرك..
:26:
شايفه
هلا وغلا .. ما شاء الله عليكي من يومك شاطره ..
ما تتخيلي قد ايه استفدت بمشاركتك ..
لأنها واقعية ومن تجربة مو مجرد طرح للحلول..
ياعمري اسعدتني مشاركتك ويارب ما انحرم من هالطله ..
والله يسخر لك زوجك ويوفقك وياه ويسعد قلبك وايامك دائماً..

:26:
واللي عندها زيادة الله يحييها..

بدي مفاوضات واذا احتاج الامر اعلان الجرب الباردة والساخنة

ياهلا بقمورتنا وكل عام وانتم الى الرحمن اقرب

حبيبتي الموضوع يختلف ن شخص لاخر يعني بعضهم انفخي راسه ومالي الى انت والناس يحكمون على كرمك من مظهرنا ويلين ويبحبحها

والبعض راسه يابس ولو تدلدل لسانك من المدح والكلام الزين ولا على باله

والمسخر الله سبحانه

واحبك في الله