كيف أحبب بنتي في الحليب - سنة و3 شهور

السلام عليكم ورحمة الله وبركاته

ما أعرف للمقدمات .. المهم
بنتي عمرها سنة و3 شهور .. من عمرها تقريباً 7 شهور تركت الحليب تكرهه ما تبغاه ...
حاولت معاها بأكثر من نوع موووراضية ( كانت تستخدم بليميل بلس 2) .. جربت 3 أنواع (سيميلاك - فرنس ليه - نان) كلها ما تبغاها تغصص نفسها .. وترجع الحليب وتصرخ وتبكي .. تقهررررررررررررررر:mad:
من أربع أشهر صرت أشربها حليب السعودية بالشوكولاته وحليب بالعسل والفراولة .. وكانت تحبهم وتشربهم وتطمن قلبي عليها..
قبل 3 أيام قال لنا الدكتور إنو عندها (لين عظام) .. وإنو الحمدلله ما يعتبر مشكلة بما إنها أصغر من سنتين .. وقال لازم تشرب 3 أو 4 كاسات في اليوم من بليميل بلس 3 .. المصيبة إنها ما تبغاه ... تكرهه .. ترجعه الله يكرمكم ..
اليوم أدخلها إياه بالقطارة ففمها وفي الأخير رجعتو كلو .. ما تبغاه بالمصاص ولا بالرضاعة ولا بالقطارة..
أيش العمل ؟؟؟
كيف أحببها فيه؟؟؟

وطبعا ما أقدر أشربها حليب جاهز ..
:26: لكل من تعطيني الحل