جربي الولاده اول بعدين
فكري في الثاني

صراحة موضوع شيق وانا متابعة معكم واراءكم جدا مهمة بالنسبة لاي شخص يفكر يحمل والعمر وكذا الله يرزقكم يارب جميعا

شوفي حبيبتي كل الحمل تعب ؛ وكل طفل يبي عناية ورعاية حتى لو عمره عشر سنين أو أكثر ؛ بس عادي هي الي تحمل بترمي عيالها الكبار ؛وبدال ما تجلسين تدورين طريقة لمنع الحمل سنة أو سنة ونصف وأنا ما ادري إذا تركت المانع متى ابحمل ؛ليش أصلا استخدم مانع إذا كانت صحتك ما شاء الله حلوة ونفسيتك ما شاء الله متقبلة الوضع ؛أختي أنا وخواتي مو  زي بعض وحنا خوات بعضنا ما شاء الله تحمل على طول وثنتين منا استخدمن الحبوب فترة بسيطة واحدة بعد الحبوب تجلس حوالي السنة ما حملت على أنها ما اخذت حبوب غير كم شهر ؛أما الثانية فما عاد تحمل غير بمنشطات ومراجعة في عيادات العقم سنة ؛الله يرزقك الذرية الطيبة الصالحة 

والله ياقلبي هذا قرارك وانا اشوفه صح

انا ولدت ولدي الاول وعمري 23 سنه وطلعت من النفاس وكنت ارضع ولدي من صدري وارضع صناعي وحملت بعد ثلاثه شهور مع اني ماابغى الحمل بس ربي كتب لي الحمد لله ولاجبت شغاله صح تعب بس الي تقدر تجيب شغاله بترتاح
الحين اقول ربي اختار لي مافيه الخير والحمد لله مبسوطه
ما عليك من احد ندري الحمل والولاده شي مو سهل بس ولو كلنا نقدرنتحمل وكل شي باجره
والي يقولون رضاعه ومارضاعه نص بنات هالوقت مايرضعون بعد الاربعين وين الغريب؟؟
واحنا رضعنا سنتين ونتعب ويجينا امراض
والي تقول وجع ظهر ماله دخل بالولاده ورا بعض ابد كثير اعرفهم ماجابو الا واحد ويتشكون من ظهورهم

رضعي من صدرك ومن الرضاعه وبتحملين باذن الله
والله يكتب لك مافيه الخير يارب

اذا عمرك بالثلاثينات قرارك صح واحملي وجيبهم ورا بعض وربيهم سو
واهتمي بتغذيتك وصحتك ولاتتتوقعين ان الحمل ممكن يضرك ابدا
الحريم الاوليات كان يجيبونهم ورا بعض وصحتهم مافيه احسن منها
لان بيجي الوقت اللي توقفين غصب والخصووبه تبدا تقل تدريجي في اخر الثلاينات لين خلاص الوحده ماتقدر تحمل
الحقي على عمرك
واذا تبين تحملين قللي الرضاعه الطبيعه خليها فقط الاربعين ودخلي معها حليب صناعي
والله يكتب الي فيه الخير لك