كيف أخلي حماتي تستأدن مني

السلام عليكم ورحمة الله وبركاته
أنا قصتي مع حماتي طويله بس فيه شي ودي أتخلص منه
للعلم حماتي ألمانيه غير مسلمه الله يهديها وصغيره في السن
المشكله هي هي لما تيجي عندي تتصرف بحريه زياده وعادة طبعا الغرب هدا مو من طبعهم يعني هم دايما رسميين بس مو هدا المشكل المشكل إنها تتعمد تدخل غرفة نومي من دون إدني هي طبعا ماتلمس شي بس هدا بالنسبه لي مشكل يعني أخاف مرات تدخل تلاقي شي من ملابسي الداخليه بره <<<<ماأقصد الملابس العاديه بس الملابس اللي تنلبس للزوج فقط بلا ماأفسر إن شاء الله فهمتوا علي
وكمان هادي غرفة نومي ماتقولوا لما تعرفي هي جايه خبي لأن هي ماتتلفن قبل ماتجي مره كنت قلت لها لما تريدي تيجي عندنا إتصلي قامت زعلت وعملت مشكل إنتم ماتبوني ووووو زوجي ماقال شي بس قال هادي أمي ماأقدر أسوي شي وهو مسكين مهما عمل لها دايما حاقده عليه ليه أسلم بس الحمد لله
أنا اللي ودي كيف أوصلها الفكره من دون ماتزعل لأني ماودي تنأطع العلاقه بينا <<<لو علي ماأشوف في وجهها وكل شي بس من الإسلام هادي أمه ولو جنته وناره لازم أساعده
وهي أم المشاكل يعني لأي شي مشاكل الواحد لازم ياخد باله في معاملته معاها إحنا بنعاملها كيف الإسلام يقول هي تفتكرها غباء بس ماعلي المهم إحنا نسوي اللي علينا حتى لما ندعيها للإسلام تقول في بلادكم مافي ومافيه والإرهاب وووو وأنا مامكن أسلم ولا تكلموني في الإسلام إنتم لازم تقبلوني مثل ماأنا واللي وده علاقه معي وآجي عندكم ماتكلموني فيه فإحنا بنتفادى أي مشكل معاها زوجي تعب والله من معاملتها هو زمان قبل إسلامه كان يعاملها بقساوه كانت جداااا تحترمه بس الحين بعد ماتغير كأنها تتنتقم منه ولما أقول لها هو يحبك وعامليه كويس تقول لا هو كان وكان وإيش يدريني هدا مو تمثيل <<<الله المستعان
المهم بلا ماأطول ممكن تعطوني إقتراحات كيف أطلب منها ماتدخل دايما لغرفتي من دون إدني