كيف أخلي صديقاتي يحبوني واحافظ على صداقتنا

السلام عليكم أسرة منتدانا الغالي على قلوبنا
لدي مشكله اود طرحها عليكم أتمنى منكم النصح والإرشاد إلى كل مافيه خير وطاعه وقرب للرحمن
كلنا نعرف اهمية الصداقه في حياتنا وكيف ممكن تكون حياتنا بدون تلك القلوب التي تجمعها الأخوه والمحبه والود وحب الخير ..وكلنا نعرف كيف ممكن ان صحباتك يطيرون نفسيتك ويغيرون جوك مهما تكلل حياتك من صعوبات ..ياخذون اللي بخاطرك يمازحونك وممكن انك تدخلين جو وتنسين كل شي صعب أو ومتعب معاهم يشاركونك همومهم ويشاركونك ..بس هل ياترى!!بعد كل المواقف الحلوه ممكن تجي أيام وتكونين معاهم وما انتي حاسه بقيمه ولا احترام ولاكيان ولاأي وجود !! هنا كيف راح تكون حياتك ..من بعد ماكنتي ترفرفين من السعاده فجأة وانتي طايحه من الحزن والاكتئاب ولايهمهم امرك فجأة ..اش سويت طيب انا ..بكل بساطه ولاشي ؟ هل زل لساني أو سبيتهم ياترى ؟؟ أشوف تصرفات منهم واسغرب وماازعل فجأة لمن أسوي تصرفاتهم يزعلون ..هم مايعرفون العتب وان عاتبتهم كأني أكلم جدار لاحياه لمن تنادي ..
بدأ هذا الشعور يتسلل لي من سنه وهذه السنه الثانيه ؟؟ لكني م احب اعيش وحيد رغم اني وسطهم ..ممكن أكبر سبب يجعلهم يهمشوني (هو عدم ثقتي بنفسي وترددي الدائم واني طيبه ومهما بذر منهم اعفو عنهم) لكن ان عفوت او لم اعفو نفس النتيجه ..شعوررر يخنق ..
اكمل القصه كنت انا ووحده من صحباتي ف التخصص وكان ثاني ترم لنا انا وهي مع بعض فرحنا بدخولنا تعرفنا ع قروب بحكم ان المواد كانت تتطلب مننا كذا ..كنت في هذيك الفتره اجتماعيه أكثر من أي وقت لدرجة اي بنت ابسط معاها واتعرف على بنات لباص واحال بشتى الطرق اقوي صداقاتي وشوي شي بدات المجموعه تكبر ماشاءالله وننعرف من بعيد بأصواتنا ما اقدر احكي عن جمال الشعور في هذا الترم معاهم الا وكان الوضع مستتب وكل شي طبيعي وصديقتي ماحسيت انها بعدت عني بشكل كبير ..وتجي الاجازه الصيفيه وتبدأ الصدمه الكبيره ..التي امتزعت قلبي ..ومن هولها صرت طرمه فتره ولا انطق ..كيفهم وينهم ؟؟ اشبهم ؟؟ هل مستحيل ضاعت علي الفرص في اني اكون علاقات تمتد لما بعد الجامعه :29: شي محزن ومبكي..انهم لايسألون ولايدورون موشرط تسأل عالاقل بس ابي احس ان لي مكان في قلبها ..بدأ الترم الثاني ومشيت كل شي وانا احاول اقنع نفسي ان مافي شي تغيررر..شوي شوي بدأت احس صديقتي الي كانت معاي من قبل التخصص تنحاز وحده ثانيه من المجموعه انا احس هي السبب الرئيس لان اغلبنا ثنائيات في مجموعه وحده ..المهم تمرر ايام را ايام تثبت لي اني ما اهمها ولا اعني لها اي شي ..حتى دايما تستخف فيني وتستهبل علي ..بطبيعتي اضحك واتريق منها س لمن اشوف انها بعدت عني احس انه مستيل اني اضحك او يكون عادي ..درجة ي بنات تسحب علي يوم اكلمها اهم شي عندها البنت الثانيه ..مو شرط عندي ولاهو شي مهم الناس عندي لذي الدرجه القاتله لكني اشعر بالحزن لا اعرف كيف اتصرف ولا ادري ان كنت انا السبب او لا ..وانا والله موحسد فيني للبنت الثانيه بالعكس انا احبها واقدرها واكن لها الحبب والاحترام الكثير ..لكن تقدرون تقولون بدات تظهر صديقتي على حقيقتها :icon36: اصعب المواقف انك تنخدع بشخص .. وانا مع الايام بديت احس كل البنات ابعدوا عني وصارو مايحبوني ولااحد يحترمني حتى هذه الي اقولها عنها صديقه للاسف تتسبب في احراجي دايما بمواقفها وسخافاتها ما اعرف قد اش اقول ولا احكي عشان اوصل كميه الحزن والكابه الي انا فيها ..احس كنت اشكي لاحد اذا كنت ابي ومن بعد ماسرنا في قروب الاقيه ناشره كل غسيلي ..طب ليه الحقد ؟؟ تتصيد علي ..وتدور علي الزله عشان تشهر فيني قدامهم ..:icon36::icon36:
ابيكم تعرفون اني كنت اهتم فيهم اكثر من نفسي لدرجه دايم يسالوني عالواتس ويشغلوني يحلون ويخلصون وانا باقي م خلصت ..ّّ~~ اللهم لامنه لكني حبيت اوضح كمية حبي لهم وصدمتي فيهم وحزني على نفسي الطيبه ..الي وصلت الطيبه لحد الغباء وكثير اشياء اسويها بحسن نيه لكن موحلو اني ما الاقي لي مردود في قلوبهم ولو حتى تقدير اعتقد ان هذا ابسط شي
افيدوني من خبرتكم في تكوين الصداقات هل هذا شي طبيعي ولالا؟؟
وهل ممكن عدم الثقه ف النفس والتردد يسوغ عدم التقدير ؟؟
وهل في طرق تساعدني اتقرب لهم او احببهم فيني؟؟
احس سرت اجلس بينهم ومالي نفس بس كذا .. ولا اشارك معاهم من بعد كل التصرفات ..ونسيت اقولكم ان شعور موحلو لمن تتكلم فجأة تلاقي احد قاطع نص كلامك مو ادب الكلام ابدا .. او ساحب عليك ..ساعدوني ماعندي خبره في الصداقات في مثل هذه المواقف اعرف اشبك الشلل واهرج ولله الحمد واوسع الصدر لكن ماعرف ارجع بنفس مواصفاتي بعد ماينكسر قلبي :icon36::icon36: وش اسوي افيدوني ..هذا اول موضوع لي في هذا المنتدى ..اتمنى المساعده وجزاكم الله كل خير واتمنى عدم حذف الموضوع لتعم الفائده .. وشكرا مقدما على كل من يرد ..واتمنى الرد في اقرب وقت والتفاعل مع حالتي :icon36: