هاذي بعض النصائح ان شاء الله انها بتفيدك ..
لاتذاكرين بغرفتك وخاصة فوق السرير لأنك راح تكونين طول الوقت نايمه او نعسانه ، ذاكري في مكان غير غرفتك.
لما تمسكين كتابك وتبدأين بالمذاكرة استخدمي الوان التخطيط اللي تكون ملونه اصفر اخضر وردي ازرق ، علشان تساعدك انك تحددي الاشياء المهمة او تحددي رأس السؤال وهكذا.
اذا كنتي تحفظين معلومة اكتبيها بورقه وعيدي كتابتها اكثر من مرة علشان تثبتينها.
الصفحة الأخيرة
متخرجة من ٣ سنوات..
وكنت شطورة ودرجاتي دائماً بالعلالي ربي لك الحمد ..
بعطيك طريقتي..
أول شيء : أشببببعي نوم ..
ثانياً : جهزي مكان رايق وهادي ومشروب تحبينه..
ثالثاً : افتحي الكتاب واقرأي العناوين أو الوحدات الأساسية.. اللي تكلمت عنده الدكتورة كذا مرة حطي عليه علامة وأقرائيه واستوعبيه..
بعد كذا أرجعي من البداية اقرأي المعلومة واشرحيها لنفسك بورقة وقلم وكأنك تشرحين لأحد..
وهكذا لين تنتهين..
بعد كل نص ساعة من المذاكرة ارتاحي ٥ دقايق .. امشي جهزي لك أكل شوفي جوالك.. بعد كذا ارجعي
بالنهاية.. راجعي بطريقة انك تختبرين نفسك .. اسألي وجاوبي..
طبعاً هذي طريقتي في مذاكرة المواد الأدبية لأن تخصصي أدبي..
لكن أميد لو مواد علمية الطريقة تختلف..
موفقة.. ❤️