كيف أرتب أغراضي!

أحسن شي جمعي العائله الكريمه كلها

أو إذا عندك جاره طيبه وخليهم يساعدونك

أنا زيك خلاص بأنقل لجده بس ماني ماخذه معايه إلا أغراض بسيطه

وبأثث من جديد

ولو إني في مكانك كان سويت بعض الحاجات

مثلاً

فيه بالسوبر ماركتات الكبيره زي ورق المقوى لونه بني إشتريه وحطيه بين كل الاغراض الزجاجيه

عشان ماتتصاقع في بعضها مع الطريق وتتكسر وينفع كمان للبيبان الزجاج حقت الدواليب

والله يعينكم جمعوا كراتين كثيره لاغراض الصغيره زي النحاس أو التحف

وبيبان الثلاجه أو الفرن أو الغساله حطي عليها شطرطون قوي

عشان ماتجلس تنفك في الطريق ويمكن تتكسر



وإبدأي أول شي بالغرفه إللي ماتستعملونها زي غرف الضيوف

وخلي آخرشي المطبخ وغرف النوم عشان تاكلون وتخمدون فيها :)





أو جيبي شركه تنقل لك كل الاغراض أمي تسوي كذه دائماً إذابتنقل

والشركة نفسها هي إللي ترجع الاغراض زي ما تبغين في بيتكم الجديد

وإنتي حاطه رجل على رجل وبس تجهزين ملابسكم




جلست أعصر في مخي إللين طلعت هذا الافكار أتمنى إني أفدتك :26:

الله يعينك

جمعي كراتين من الحين وشطرطون (تيب) وقل فولماستر ... اكتبي محتويات الكراتين عشان ما تتخربطين

والملابس اجعيها بحقائب كبيرة ..

ومنزل مبارك مقدما

متى يقضي بيتنا وننقل ... :44:

رفع لعيونك

اولا الله يعينك ويسر امرك
ثانيا\لازم يكون عندك للمطبخ عدة كراتين طبعا تجمعين المواعين الكزاز لوحدها وتلفينها بالجرايد وبعدين البقية طبعا تخلين مجموعة بسيطة للاستخدام في الايام الي قبل ماتنقلون طبعا راح تكون قليلة لانك منتي فاظية للطبخ راح يكون اكلكم من برا بالنسبة للثلاجة حاولي تفظينها وتستهلكين الي فيها بشكل تدريجي او ترسليها للجيران
ثالثا\ غرف النوم الملابس تتجمع في الشنط وكمان تبقين غيارات الي تكفيكم لحدالنقل وتشيليها في شنطة صغيره مكياجك واكسسواراتك الي لك سنوات مااستخدمتيها ارررررميها لانها تسبب لك زحمة على الفاضي الجزم نضفيها ولمعيها وعلى كرتون وقفليه باختصار لازم من بدري تلمي اغراضك وكل شي يكون نضيف ومرتب عشان ماتتعبين لما توصلين بيتك الجديد اتحطينها في الدوالايب بس واهم شي اتخلصي بدون ترررردد من الاشياء الي اتحسين مالها داعي لان كل ماكن البيت فاضي كل مان مرتب ونضيف دعوووواتك

الشركة بتنقل بس من جمع أغراض بيتي غيري!

جعلكم تسلمون وتحرم أجسامكم عن النار ويرزقكم من واسع فضله يارب.