أم يزن ومزون @am_yzn_omzon_1
عضوة جديدة
كيف أرجع أثق فيه من جديد 😭
ترددت كثير قبل لا أكتب الموضوع،، لعل وعسى ينحل مع الوقت،، بس للأسف الوضع مثل ما هو وأردى. عندي مشكلة أقرب ما تكون نفسية مع زوجي،، من كم شهر سمعته يتكلم فالجوال برا فحوش البيت وكنت فغرفتي والشبابيك مفتوحة، وكان واضح انه يكلم حرمة،،وفحوى الكلام انها هية تحاول تبرر موقفها وهو يقولها لاتحلفي لاتحلفي وكان واضح انه متضايق منها،، أنا هنا حسيت انه قلبي راح يوقف،، من هذي اللي يكلمها ؟! وألف سؤال وسؤال دار فراسي،، ورجولي بالكاد تحملني،، بعدين دخل الصالة واسمعه يصارخ على ابنه وهنا خرجتله ورديت عليه وفيني غصة :إذا في أحد مضايقك لاتفش غضبك فأولادك،، قاللي شو قصدك؟ وفهم اني سمعته، قلتله سمعتك من النافذة انك تكلم وحدة وأنكر وقاللي نتفاهم بعدين وخرج،، وأنا قلبي يغلي غلي، ولما رجع صار أخذ ورد بيني وبينه لين اعترف بكل قواة عين انه متعرف على وحدة وبيتزوجها؟؟ هنا فعلاً حسيت شرخ كبييير أصاب قلبي وبكييييت،، بس قلتله تمام يا قلبي يعني مستغفلني وع بالك اني برضى تأخذ فيني ضرة،، اليوم اللي بتعقد فيه ع خرابة البيوت عطني ورقة طلاقي ما في شي يجبرني أعيش حياة الضراير، قال انا أريدك ومستحيل اطلقك،. قلتله بخلعك ياللي مستغفلني ومسوي علاقات من وراي،، وفهذيك اللحظة حمدت ربي مليون مرة اني موظفة ومستقلة مادياً،، المهم ما جا الظهر إلا وهو يحاول يراضيني ووعدني انه بينهي الموضوع خلال أسبوع وحلف عالمصحف انه بينهيه وأنها نزوة ووو،، وصارت أحداث بعد كذا من بينها لقيت فاتورة صدفة شاريلها خاتم ذهب بألف ريال بس ما مبين التاريخ متى، لما واجهته قال هذيك من زمان،، مع انه قبل خبرني انه العلاقة بينهم ما تتعدى التلفون،، طلع بينهم طلعات 😭😭 وحلف وأكد أنه خلاص العلاقة انتهت وطلب مني ما أسأله أي تفاصيل ثانية عن علاقتهم،، وصدقته،، المشكلة الحين اني ماني قادرة أنسى هالشرخ الكبير اللي أصاب قلبي،، فقدت الثقة فيه،، مع انه مر ثلاثة شهور على هالموضوع بس لازلت أشك فيه، خاصة هالفترة هاتفه 24 ساعة صامت، ويدخله معه دورة المياه، وإذا حطه فالشاحن يكون مطفي الشبكة،، صارحته مراراً انه هالشي يثير الشك فيك وهو يحلف ويقسم ما فيه شي عنده،،ياناس كيف ما أشك فيه والمعطيات اللي قدامي كلها تقول شي وراه،، وهو مستنكر شكي فيه ويتضايق جداً لأني ما أحب اخبي فقلبي أتعبببب،، فأصارحه بشكي، بس لا زال مستمر على ما هو فيه،، يا ليت الحكيمات يعطني حل لأني فعلاً أحس حياتي معه على وشك الانهيار وبيننا ثلاثة أطفال.
45
9K
يلزم عليك تسجيل الدخول أولًا لكتابة تعليق.
نهر ابيض :
لا يمكنك مشاهدة هذا التعليق لانتهاكه شروط الاستخدام.
أنا ماذكرت بيت اهلي ولا ذكرت طلعاتي يا عزيزتي،،
وشكراً على المداخلة
وشكراً على المداخلة
امانه شو مشكلتك مع الزوجات الي ببيت اهلهمامانه شو مشكلتك مع الزوجات الي ببيت اهلهم
نفس السؤال في كذا موضوع لاحظت
الصفحة الأخيرة
والله اعلم